Braziliyaning Riu-Grande-du-Sul shtati Gramadu shahrida xususiy samolyot aholi yashaydigan hududga qulab tushdi. Bu haqda Globo xabar berdi.
Ma’lum qilinishicha, havo kemasi San-Paulu shaharga yo‘l olgan. Samolyotda to‘qqiz kishi, jumladan, tadbirkor Luis Klaudio Salgeyru Galeatsi ham bo‘lgan.
Galeatsi samolyotni o‘zi boshqargan. Yo‘lovchilar orasida uning xotini, kuyovi, qaynonasi va uch farzandi, shuningdek, biznesmenning ikki bolali singlisi ham bo‘lgan. Samolyot mebel do‘koniga qulab tushgan. Mahalliy hokimiyat ma’lumotlariga ko‘ra, voqea joyida bo‘lgan 14 kishi jarohat olib, kasalxonaga yotqizilgan.
25-noyabr kuni DHL kompaniyasining yuk tashuvchi samolyoti Vilnyus aeroporti yaqinida halokatga uchragandi. U ikki qavatli turar joy binosi yoniga qulab tushgandi. Yong‘in yuz berishi oqibatida 12 kishi evakuatsiya qilingandi.
Samolyot bortida to‘rt kishi — ikki uchuvchi va ikki ekipaj a’zosi bo‘lgan. Ularning ikki nafari jarohatlangan, biri halok bo‘lgan. Hokimiyat vakillari halokatning asosiy sababi sifatida “texnik masalalar” ko‘rib chiqilayotganini ta’kidlagandi.
Izoh (0)