American Airlines aviakompaniyasi barcha reyslarida texnik nosozliklar haqida xabar berdi. Bu haqda aviakompaniyaning X ijtimoiy tarmog‘idagi ma’lum qilingan.
“Biz hozirda American Airlines aviakompaniyasining barcha reyslarida texnik muammoga duch kelyapmiz”, deyiladi kompaniya xabarida.
Ko‘pgina ijtimoiy tarmoq foydalanuvchilari American Airlines reyslari noma’lum muddatga kechiktirilganini ta'kidlashmoqda.
Kompaniya texnik nosozlik nimadan iborat ekani va unga nima sabab bo‘lgani haqida izoh bermagan.
Kecha 23-dekabr kuni Braziliyada xususiy samolyot aholi yashaydigan hududga qulab tushgani xabar qilingandi.
Ma’lum qilinishicha, havo kemasi San-Paulu shaharga yo‘l olgan. Samolyotda to‘qqiz kishi bo‘lgan. Samolyot mebel do‘koniga qulab tushgan. Mahalliy hokimiyat ma’lumotlariga ko‘ra, voqea joyida bo‘lgan 14 kishi jarohat olib, kasalxonaga yotqizilgan.
25-noyabr kuni DHL kompaniyasining yuk tashuvchi samolyoti Vilnyus aeroporti yaqinida halokatga uchragandi. U ikki qavatli turar joy binosi yoniga qulab tushgandi. Yong‘in yuz berishi oqibatida 12 kishi evakuatsiya qilingandi.
Samolyot bortida to‘rt kishi — ikki uchuvchi va ikki ekipaj a’zosi bo‘lgan. Ularning ikki nafari jarohatlangan, biri halok bo‘lgan.
Izoh (0)