O‘zbekiston aholisining raqamli savodxonlik darajasi o‘rganiladi. Bu haqda Raqamli texnologiyalar vazirligi matbuot xizmati “Daryo”ga xabar berdi.
Ma’lum qilinishicha, ushbu maqsadlar uchun Shveysariya hamkorlik va taraqqiyot agentligi tomonidan O‘zbekistonga 2 mlrd so‘mlik grant mablag‘i ajratildi.
Loyihaning dastlabki bosqichida aholining raqamli ko‘nikmalari holati tahlil qilinadi, bozor ehtiyojlariga mos yangi kasblar aniqlanadi va IT ta’lim resurslarini birlashtiruvchi platforma ishlab chiqiladi. Bu haqda Shveysariyaning O‘zbekistondagi elchixonasi — Shveysariya taraqqiyot va hamkorlik agentligi hamda IT ta’lim uyushmasi o‘rtasida “O‘zbekistonda IT va raqamli ta’lim landshaftini rivojlantirish inklyuziv o‘sish uchun manfaatdor tomonlarni bog‘lash” loyihasi doirasida kelishuv shartnomasi imzolandi.
Mazkur loyiha doirasida yoshlarning IT savodxonligini oshirish, malaka oshirish imkoniyatlarini taqdim etish, shuningdek, qishloqlarda yashovchi yoshlar va ayollarni ish bilan ta’minlash ko‘zda tutilgan.
Loyiha keng qamrovli tadqiqotlar hamda moslashtirilgan ta’lim dasturlarini qayta ko‘rib chiqish va rivojlanayotgan soha talablarini qondirish uchun mutaxassislar uchun malaka oshirishni o‘z ichiga oladi.
Tadqiqotga asoslangan ushbu yondashuv keyingi bosqichlar haqida ma’lumot berib, moslashtirilgan va ta’sirli aralashuvlarni ta’minlaydi. Ushbu maqsadlar uchun Shveysariya taraqqiyot va hamkorlik agentligi tomonidan IT ta’lim Uyushmasi nodavlat notijorat tashkilotiga qariyb 2 mlrd so‘m (149 ming 655 dollar) grant mablag‘lari ajratildi.
Avvalroq Makroiqtisodiy va hududiy tadqiqotlar instituti tomonidan ona tilini bilish darajasining umumiy taʼlim darajasiga va ikkinchi chet tilini o‘rganishga taʼsiri baholangandi.
Izoh (0)