“SEHRIYO” maktabi o‘quvchilari InfinBANK’ga tashrif buyurdi

InfinBANK jamoasi “SEHRIYO” maktabi o‘quvchilariga bankning amalda qanday faoliyat olib borishini ko‘rsatib, bolalar uchun moliyaviy dunyoga sayohat tashkil qildilar.

Tadbir bank faoliyati bilan tanishuvdan boshlandi. O‘quvchilar bankning yuragi bo‘lmish — turli yo‘nalishlar xodimlari mehnat qiladigan mijozlarga xizmat ko‘rsatish markaziga tashrif buyurishdi va kassa xizmatlari qanday ishlashini, omonatlarni ochish, kredit berish va plastik kartochkalarni chiqarish jarayonlariga guvoh bo‘lishdi.

Eng qizig‘i ekskursiyadan keyin boshlandi —  biz bolalar bilan birgalikda “Bankda bir kun” deb nomlangan o‘ziga xos o‘yin o‘ynadik. Bunda bolalar bank aslida nima va qanday tashkilot ekanligini tushunishlari uchun simulyatsiya qilingan vaziyatlardan foydalanib, ikki jamoaga – xodimlar va mijozlarga bo‘lindi, — deya aytib o‘tdi InfinBANK chakana biznes departamentining plastik kartochkalar bo‘limi mutaxassisi Timur Magdiyev.

Tadbir to‘rt smenada o‘tkazildi. InfinBANK’ga ekskursiyaga barchasi beshinchi sinf o‘quvchilari bo‘lgan jami 115 nafar bola tashrif buyurdi.

Beshinchi sinf o‘quvchilari uchun Kinder MBA loyihasining ilmiy rahbari sifatida shuni ayta olamanki, bunday ekskursiyalar yosh va bo‘lajak tadbirkorlarimizga moliya mavzusini yaxshiroq tushunishlariga yordam beradi. Va asosiysi, o‘quvchilar yangi bilimlarni real loyihalarda qo‘llashi mumkin. Bolalar bank tizimining mashaqqatli ishini bir zumga bo‘lsa ham o‘zlari his qilib ko‘rishdi va endi, shu yoshlarida ham kelajakdagi moliyaviy savodxonliklarining poydevori bo‘lishi mumkin bo‘lgan asoslarni juda yaxshi tushunishadi. InfinBANK’ga bu tadbirni tashkil etgani uchun samimiy minnatdorchilik bildiramiz, – deydi “SEHRIYO” maktabining Kinder MBA o‘qituvchisi Galina Arslanova.

Shuningdek, bolalarga bank tarixi haqida so‘zlab berildi, asosiy eksponatlar ko‘rsatildi va ular moliyaviy savodxonlik g‘oyalari bilan tanishtirildi. Keyin o‘quvchilar ikki jamoaga - xodimlar va mijozlarga bo‘lindi. Bu qiziqarli jarayonda bolalarning bir qismi o‘z qollari bilan kredit olgan bo‘lsa, boshqalari omonat ochishdi.

“Xodimlar” topshiriqlarni muvaffaqiyatli bajardilar va sinfdosh-mijozlar bilan saviyali muloqot qilishni o‘rgandilar. Bu jarayonda esa, InfinBANK jamoasi uchun bolalarga “bank-mijoz” munosabatlari g‘oyasini yetkazish juda muhim edi va bunga erishdi ham.

Keyin bolalar plastik kartochkalar amaliyoti bo‘yicha mashg‘ulotlarda ishtirok etishdi. Mashg‘ulot tarixdan — pul qanday paydo bo‘lgani haqidagi ma’lumotlardan boshlandi. So‘ngra bank xodimlari kartalar nimadan yasalishi, chip qanday vazifani bajarishi, plastik kartochkalar o‘rtasidagi farq nimada ekanligi haqidagi maʼlumotlarni bolalarga tushuntirib berdilar.

Bolalar juda xursand bo‘lishdi. Ular tomonidan ko‘plab savollar berildi va ularga band xodimlari tomonidan tushuntirishlar berildi. Bu mashg’ulotlar kelajakda ongli tanlov qilish uchun bolaga kasb nima ekanligini tushunishda juda muhim, deb hisoblayman”, — deya o‘z fikri bilan o‘rtoqlashdi InfinBANK HR departmenti direktori Aynel Mukajanova.

InfinBANK jamoasi taʼlim kelajakni shakllantirishda asosiy rol o‘ynaydi, deb hisoblaydi. Shu bois bank bir necha yillardan buyon maktab o‘quvchilari uchun murakkab moliya olami haqida sodda tilda so‘zlab beradigan ilmiy-ma’rifiy tadbirlarni tashkil etib kelmoqda. Shuningdek, bunday tadbirlar moliyaviy savodxonlik borasida bilimlarni rivojlantiradi, bu esa o‘z navbatida har kungi sog‘lom moliyaviy munosabatlar o‘rnatishda yordam beradi. InfinBANK bundan keyin ham bu kabi taʼlimga oid tadbirlarni o‘tkazishda davom etadi va ularni yanada jonli qilishga va bolalar uchun ilhom manbaiga aylantirishga intiladi.

Reklama huquqi asosida.