Bugungi kunda O‘zbekistonda raqamli to‘lovlar va xizmatlar sohasi sezilarli darajada rivojlanib bormoqda. Buni mamlakatda muomaladagi bank kartalari soni 45 million donadan ortganidan (2023-yil 1 dekabr holatiga) ham sezish mumkin. Shu bilan birga, to‘lov tizimlari soni ko‘payayotgani, qator savdolar va xizmatlar onlayn shaklda amalga oshirilayotgani ham sohada o‘sish kuchayib borayotganidan dalolat.
Elektron tijorat rivojlangani sari insonlarda moliyaviy savodxonlikni oshirish masalasi ham dolzarb bo‘lib borayapti. Bu borada O‘zbekiston Respublikasi Markaziy banki va raqamli to‘lovlar bo‘yicha dunyoda yetakchi Visa kompaniyasi tomonidan ishlab chiqilgan “Moliya olami” platformasi o‘ziga xos o‘ringa ega.
- “Moliya olami” onlayn tarzda kundalik xarajatlarni to‘g‘ri rejalashtirish va pulni samarali tejashni o‘rgatadi.
- “Moliya olami” interaktiv taʼlim platformasi insonlarga moliyaviy savodxonlikni oddiy va sodda uslubda oshirish imkonini beradi.
Platforma o‘quv tematik modullarining 4 ta bosqichidan o‘tishini nazarda tutadi:
- “Bilimlar mamlakati”. Bu bosqichda kartalar va banklar haqida zarur bilimlar beriladi.
- “Chiqimlar mamlakati” qismi bo‘lib, unda mablag‘larni oqilona sarflash qulay uslubda o‘rgatiladi.
- Jamg‘armalar va sarmoyalar to‘g‘risida sodda hamda tushunarli maʼlumotlar esa uchunchi modul — “Omonatlar mamlakati”da beriladi.
- Yuqoridagi uch bosqichni yaxshi o‘zlashtirgach, navbat “Biznes mamlakati” bo‘limiga keladi. Bu bosqichda biznes uchun maslahatlar va layfhaklar olish mumkin.
Markaziy Osiyo va Ozarbayjondagi Visa mintaqaviy boshqaruvchisi Kristina Dorosh bu borada o‘z fikrlarini bildirdi:
“Visa kompaniyasining ustuvor yo‘nalishlaridan biri butun dunyo bo‘ylab odamlar va biznes uchun moliyaviy xizmatlar va mahsulotlardan teng foydalanishni taʼminlashdir. Shunday ekan, aholining moliyaviy savodxonligini oshirish mamlakat va jamiyat iqtisodiyoti rivojlanishining muhim qismidir. Biz texnologiyalarimiz va mahsulotlarimiz jamiyat farovonligini oshirishi, tadbirkorlik rivojiga hissa qo‘shishiga intilamiz.
Shu bois O‘zbekiston Respublikasi Markaziy banki ko‘magida Visa kompaniyasi ushbu “Moliya olami” interaktiv ta’lim loyihasini ishlab chiqdi. Uning maqsadi O‘zbekiston aholisiga o‘z moliyasini boshqarish bo‘yicha amaliy bilim olishga yordam berish, bank mahsulotlari, xizmatlari va raqamli to‘lovlar haqida ko‘proq ma’lumotga ega bo‘lish hamda pulni to‘g‘ri tejashni o‘rgatishdan iborat. Shunday ekan, bizning interaktiv “Moliya olamimiz”ga xush kelibsiz”.
O‘zbekiston Respublikasi Markaziy banki Moliyaviy savodxonlik departamenti direktori Dilbar Abduganiyeva bu borada o’z fikrlarini bildirdi:
“O‘zbekiston Respublikasi Markaziy banki moliyaviy savodxonlikni oshirish borasidagi faoliyatida raqamli muhitning faol rivojlanishi davrida iste’molchilarning moddiy farovonligiga bevosita ta’sir ko‘rsatuvchi moliyaviy xavfsizlikni ta’minlash bo‘yicha bilim va ko‘nikmalarni oshirishga alohida e’tibor qaratmoqda.
Raqamli gigiyenani oshirish ham zamonaviy jamiyatdagi asosiy tendensiyalardan biridir. Raqamli moliyaviy xizmatlar va mahsulotlar bugungi kunda shunchaki vositalar emas, balki butunlay yangi imkoniyatlarni ochadigan to'liq muhitdir. “Moliya olami” ta'lim loyihasi - bu o'rganish va o'tish oson bo'lgan interaktiv ta'lim vositasi.
Shaharlar bo'ylab sayohat qilish har doim firibgarlik xavfi mavjud bo'lgan raqamli dunyoda kundalik xarajatlar va hisob-kitoblar, jamg'arma va biznesni boshlash, kreditlash va qarz olish sohalarida moliyaviy savodxonlik ko'nikmalaringizni oshirishga imkon beradi. Barchangizga qiziqarli sayohat tilaymiz!”
Shu bilan birga, ishtirokchilar platformada moliyaviy savodxonlik bo‘yicha o‘quv resurslaridan va bank kartalarini ochish uchun tijorat banklarining veb-saytlari havolalaridan foydalanishlari mumkin.
Moliya olamiga sayohatingizni hoziroq boshlang!
Reklama huquqi asosida.
Izoh (0)