Toshkent shahrida 26-iyun kuni AloqaBank hamkorligida “Uzbekonomics” podkastining navbatdagi soni bo‘lib o‘tdi.
“Uzbekonomics” loyihasi 5 yoshga to‘layotgani munosabati bilan, bu son jonli efirda va tomoshabinlar ishtirokida yozildi. Loyiha asoschilari, iqtisodiyot fanlari doktori Botir Qobilov va Viskonsin universiteti tadqiqotchisi, fan doktori Behzod Hoshimov qatnashdi.
Mazkur uchrashuv bankning innovatsion texnologik yutuqlari va natijalarini aks etgan taqdimot bilan boshlandi. Shuningdek, ekskursiya davomida ishtirokchilar bankning zamonaviy yondashuvi bilan tanishib, yangiliklar haqida ma’lumot oldi. Shundan so‘ng, podkast yozilishi amalga oshirildi, bu jarayon ishtirokchi tomoshabinlar uchun katta qiziqish uyg‘otdi.
Jonli uchrashuv davomida tomoshabinlar moliyaviy savodxonlik masalalari ko‘tarilganini yuqori baholadi va yoshlar o‘zlarini qiziqtirgan savollarga javob topdi. Podkast yakunida barcha mehmonlar o‘zaro muloqot qilish imkoniyati bilan birgalikda AloqaBank tomonidan taqdim etilgan ajoyib sovg‘alarga ega bo‘ldi. Eng yaxshi sovg‘a sifatida taqdim etilgan kitob mehmonlar uchun muhim bilim manbai bo‘lib, moliyaviy savodxonlik va iqtisodiyot bo‘yicha qimmatli ma’lumotlarni o‘z ichiga olgan.
AloqaBank yoshlar uchun ko‘proq e’tibor qaratib, ular uchun innovatsion va qiziqarli loyihalarni amalga oshirmoqda. Bankning “Uzbekonomics” loyihasini qo‘llab-quvvatlashi va bu kabi hamkorlik loyihalarini amalga oshirayotgani bunga yaqqol misol bo‘la oladi.
Ushbu podkast yoshlarning moliyaviy savodxonligini oshirish va ularni iqtisodiyotga qiziqtirish maqsadida tashkil etilganligi bilan alohida ahamiyatga ega.
30-iyun – “Yoshlar kuni” munosabati bilan bu uchrashuv ayniqsa dolzarb bo‘ldi. AloqaBank yoshlar uchun ko‘plab imkoniyatlar yaratish va ularning rivojlanishiga hissa qo‘shish maqsadida bu kabi tadbirlarni muntazam ravishda tashkil etishni o‘z oldiga maqsad qilib qo‘ygan. Bank yoshlarning kelajagi uchun muhim bo‘lgan loyihalarni qo‘llab-quvvatlashda davom etadi!
Reklama huquqi asosida
Izoh (0)