Bortida Eron prezidenti Ibrohim Raisiy bo‘lgan Mi-171 vertolyoti Ozarbayjon bilan chegaradagi Julfa shahri yaqinida “qattiq qo‘nish”ni amalga oshirdi. Bu haqda Associated Press xabar berdi.
Prezidentni olib ketayotgan vertolyotni topish uchun keng ko‘lamli qutqaruv ishlari olib borilmoqda. Noqulay ob-havo sharoti aviatexnikaga yetib borishda qiyinchilik tug‘dirmoqda.
Prezidentni olib ketayotgan vertolyotda Sharqiy Ozarbayjon gubernatori Oyatulloh al-Hoshim va tashqi ishlar vaziri Amir Abdullahyon ham bo‘lgan.
Halokatdan so‘ng prezident hamrohlaridan biri markazga qo‘ng‘iroq qilgan, aviahalokat qurbonsiz yakunlanishiga umid katta, — deb yozmoqda Tasnim.
Eron prezidenti Ozarbayjon prezidenti Ilhom Aliyev bilan uchrashuvdan qaytayotgan bo‘lgan. Ikki davlat chegarasida to‘g‘onning ochilish marosimi bo‘lib o‘tgan. Raisiy kortejida jami uchta vertolyot bo‘lgan, ikkita aviatexnika manziliga yetib borgani ta’kidlangan. Hozirda holat yuzasidan Eron tomoni rasmiy ma’lumot bergani yo‘q.
Izoh (0)