Eron prezidenti bilan vertolyotda ketadiganlar ro‘yxati so‘nggi daqiqada o‘zgargan — OAV

19-may kuni halokatga uchragan Eron prezidenti Ibrohim Raisiy bo‘lgan vertolyot zarur navigatsiya va signalizatsiya uskunalari bilan jihozlangan. Uni Islom inqilobi qo‘riqchilari korpusi emas, armiya uchuvchilari boshqargan. Bu haqda manbalarga tayanib, Turkiye gazetasi xabar berdi.

Eron razvedka xizmatlaridagi manbalarga ko‘ra, so‘nggi daqiqada Raisiy bo‘lgan vertolyotning yo‘lovchilar ro‘yxatiga o‘zgartirishlar kiritilgan. Jumladan, tashqi ishlar vaziri Amir Abdullahyon va boshqa shaxslar Ozarbayjondan Eronga boshqa vertolyotda uchishi kerak bo‘lgan. Jami prezident kortejiga uchta vertolyot hamrohlik qilgan, ularning ikkitasi manziliga yetib borgan, Raisiy va tashqi ishlar vaziri bo‘lgan vertolyot esa halokatga uchragan.

Agar vertolyotni Islom inqilobi qo‘riqchilari korpusi boshqarganida, bortda armiya xodimlari bo‘lar edi. Vertolyotning o‘zi uch turdagi kuzatuv moslamalari bilan jihozlangan. Unga standart GPS va transponder bilan bir qatorda 72 soat davomida uzluksiz signal uzatilishini ta’minlash uchun maxsus tizim o‘rnatilgan. Shunga qaramay, halokat joyini darhol aniqlashning iloji bo‘lmagan.

Tehrondagi manbalar aviahalokatni Eronning 85 yoshli oliy rahnamosi Ali Xomanaiy o‘rnini egallashi kutilgan Raisiyni chetlatish operatsiyasi sifatida baholagan.

Bir versiyaga ko‘ra, Eron prezidenti bu ishda kerak bo‘lmagan va u olib tashlangan, — deb yozadi gazeta. 

Xomanaiy o‘rnini egallashi kutilayotgan nomzodlar orasida uning 55 yoshli o‘g‘li Mojtaba Xomanaiy va parlament spikeri Muhammad Bag‘er G‘olibaf ham bor.

Avvalroq Turkiya transport vaziri Abdulqodir Uralo‘g‘li Turkiya Eron rasmiylari bo‘lgan vertolyotdan signallarni qayd etmagani, aviatexnikada signal tizimi o‘chirilgan yoki bo‘lmaganini aytgandi.