Бразилиянинг Риу-Гранде-ду-Сул штати Грамаду шаҳрида хусусий самолёт аҳоли яшайдиган ҳудудга қулаб тушди. Бу ҳақда Globo хабар берди.
Маълум қилинишича, ҳаво кемаси Сан-Паулу шаҳарга йўл олган. Самолётда тўққиз киши, жумладан, тадбиркор Луис Клаудио Салгейру Галеаци ҳам бўлган.
Галеаци самолётни ўзи бошқарган. Йўловчилар орасида унинг хотини, куёви, қайнонаси ва уч фарзанди, шунингдек, бизнесменнинг икки болали синглиси ҳам бўлган. Самолёт мебел дўконига қулаб тушган. Маҳаллий ҳокимият маълумотларига кўра, воқеа жойида бўлган 14 киши жароҳат олиб, касалхонага ётқизилган.
25 ноябрь куни DHL компаниясининг юк ташувчи самолёти Вильнюс аэропорти яқинида ҳалокатга учраганди. У икки қаватли турар жой биноси ёнига қулаб тушганди. Ёнғин юз бериши оқибатида 12 киши эвакуация қилинганди.
Самолёт бортида тўрт киши — икки учувчи ва икки экипаж аъзоси бўлган. Уларнинг икки нафари жароҳатланган, бири ҳалок бўлган. Ҳокимият вакиллари ҳалокатнинг асосий сабаби сифатида “техник масалалар” кўриб чиқилаётганини таъкидлаганди.
Изоҳ (0)