Ukrainaning yadro quroliga ega bo‘lishi ehtimoli Rossiya prezidenti Vladimir Putinni jiddiy xavotirga soldi. U voqealarning bunday rivojlanishiga yo‘l qo‘ymasligini ta’kidladi.
“Sizning fikringizcha, aql-idrok darajasida, agar biz hozir harbiy harakatlar olib borayotgan davlat yadroviy davlatga aylansa, biz nima qilishimiz kerak? Bunday holda, biz hamma narsani — Rossiya ixtiyoridagi barcha yo‘q qilish vositalarini qabul qilamiz va ishlatamiz. Hammasini! Biz bunga yo‘l qo‘ymaymiz”, dedi Putin Qozog‘istonga davlat tashrifi yakunlari bo‘yicha o‘tkazilgan matbuot anjumanida.
Prezidentning so‘zlariga ko‘ra, “garchi Sovet davrida ‘juda yuqori texnologiyali, sanoati rivojlangan respublika bo‘lgan” bo‘lsa-da, Ukraina hozirda yadro qurolini mustaqil ravishda qayta yarata olmaydi.
“Ukraina bunga harakat qilsa ham, Rossiya bu urinishlarni darhol to‘xtatadi”, dedi Putin.
Rossiya yetakchisi “Ukrainada sodir bo‘layotgan har bir qadamni kuzatib borishi”ni ta’kidladi.
Putin, shuningdek, mamlakat “dushman” harakatlariga javoban “Oreshnik”ning jangovar sinovlarini davom ettirishini aytdi. Uning qayd etishicha, Kiyev bir necha bor Moskva va Sankt Peterburgdagi davlat ahamiyatiga molik nishonlarga hujum qilishga uringan. Putinga ko‘ra, bunga javoban Bosh shtab va Mudofaa vazirligi Ukraina hududidagi “Oreshnik” tomonidan yo‘q qilinadigan nishonlar ro‘yxatini tuzmoqda.
Putinning so‘zlariga ko‘ra, Rossiyada “Oreshnik”ka o‘xshash, foydalanishga tayyor yana bir qancha komplekslar mavjud.
Uning qo‘shimcha qilishicha, “Oreshnik”ning kuchi yadro qurolidan foydalanish bilan taqqoslanadi.
Agar bu raketalardan ommaviy tarzda, ya’ni bir zarbada bir nechta “Oreshnik”lardan foydalanilsa, bu zarbaning kuchi yadro qurolidan foydalanishga teng bo‘ladi, dedi Putin.
Izoh (0)