NATO Parlament assambleyasi Ukraina Qurolli kuchlariga o‘rta masofaga uchuvchi raketalarni topshirishga chaqirdi, deyiladi alyans matbuot xizmati e’lon qilgan hujjatda.
“Assambleya Ukrainani o‘zini himoya qilish uchun barcha vositalar, jumladan, o‘rta masofaga uchuvchi raketalar bilan taʼminlashga chaqiradi”, deyiladi materialda.
Qayd etilishicha, NATO Ukrainaga harbiy yordamni kuchaytirish hamda o‘q-dorilar va zamonaviy qurol-yarog‘ tizimlari, jumladan, havo hujumidan mudofaa tizimlari, uzoq masofali yuqori aniqlikdagi qurollar va ko‘p maqsadli qiruvchi samolyotlar yetkazib berishni ham qo‘llab-quvvatlaydi.
Moskva Ukrainaga qurol yetkazib berish vaziyatni o‘nglashga xalaqit bermoqda, NATO davlatlarini mojaroga bevosita jalb qilmoqda, deb hisoblaydi. Rossiya tashqi ishlar vaziri Sergey Lavrovning taʼkidlashicha, Kiyev uchun qurol bo‘lgan har qanday yuk Rossiya harbiylari uchun qonuniy nishonga aylanadi.
Uning so‘zlariga ko‘ra, AQSh va Shimoliy Atlantika alyansi mojaroda bevosita ishtirok etmoqda, jumladan, nafaqat qurol-yarog‘ yetkazib berish, balki Buyuk Britaniya, Germaniya, Italiya va boshqa mamlakatlarda kadrlar tayyorlash bilan ham shug‘ullanish orqali mojaroda qatnashmoqda.
Kremlning ta'kidlashicha, Ukrainani G'arb qurollari bilan ta’minlash muzokaralarga salbiy ta'sir ko'rsatadi.
O'tgan payshanba kuni Vladimir Putin fuqarolarga murojaat qildi. Uning so‘zlariga ko‘ra, Moskva Ukraina Qurolli Kuchlarining Kursk va Bryansk viloyatlaridagi nishonlarga Amerika va Buyuk Britaniyaning uzoq masofali ATACMS va Storm Shadow raketalari bilan bergan zarbalariga javoban, eng yangi o‘rta masofali raketa tizimlaridan biri “Oreshnik”ni sinovdan o‘tkazgan.
Rossiya harbiylari Dnepropetrovskdagi raketalar va boshqa qurollarni ishlab chiqaradigan yirik sanoat majmuasiga yadrosiz gipertovushli ballistik raketa bilan hujum uyushtirdi, deya xabar berdi Mudofaa vazirligi.
Izoh (0)