Rossiya prezidentining matbuot kotibi Dmitriy Peskov The New York Times (NYT) nashriga bergan intervyusida ayrim amerikalik amaldorlarning Ukrainaga yadro qurolini berish bo‘yicha takliflariga munosabat bildirdi.
Peskovning so‘zlariga ko‘ra, bunday tashabbuslar mojaroning avj olishidan manfaatdor “ekstremistik qanot”dan chiqmoqda.
“Hatto eskalatsiyani kuchaytirishga qaratilgan eng provokatsion chaqiriqlar ham o'ta ekstremistik qanotga ega. Bu ularga tegishli bo'lgan nuqtai nazar. Mas'uliyatni his qilmaydigan odamlarning mas'uliyatsiz fikrlashlari", dedi Peskov matbuot muloqoti chog'ida.
Kreml “Oreshnik” ballistik raketasi qo‘llanilgandan keyin yadroviy kuchayish xavfini ko‘ryaptimi, degan savolga Peskov quyidagicha javob berdi: "Bu masalaga to‘g‘ri baho berish uchun Rossiyaning yangilangan yadro doktrinasi va Vladimir Putinning so‘nggi bayonotlarini o‘rganish zarur".
Shuningdek, u Ukrainadagi mojaroda ishtirok etayotgan “kollektiv G‘arb” davlatlarining harakatlarini baholashga chaqirdi.
19-noyabr kuni Rossiya prezidenti yadroviy doktrina bo‘yicha yangilangan davlat siyosatining asoslarini tasdiqladi. Hujjatda yadro qurolidan foydalanish Rossiya Federatsiyasi suvereniteti va hududiy yaxlitligini himoya qilishning oxirgi chorasi deb ataladi.
Shu bilan birga, endi yadro quroliga ega bo'lmagan har qanday davlatning yadro quroliga ega bo'lgan davlat ishtirokida yoki qo'llab-quvvatlagan holda tajovuz qilishi ularning Rossiyaga qo'shma hujumi hisoblanishi belgilab qo‘yildi.
Avvalroq Rossiya tashqi ishlar vaziri Sergey Lavrov mamlakat har doim yadro urushi oldini olish tarafdori ekanini aytgandi.
Vazirning so‘zlariga ko‘ra, prezident Vladimir Putin bugun, 19-noyabr kuni maʼqullagan yangilangan Rossiya doktrinasida Amerikaning yadro bo‘yicha doktrinalaridan farq qiladigan hech narsa yo‘q.
Izoh (0)