AQSHda fevral oyida mamlakatning eng keksa fuqarosi sifatida tan olingan 115 yoshli Elizabet Frensis vafot etdi. Bu haqda New York Post nashri xabar bermoqda.
Frensis 1909-yilda Luiziana shtatida tug‘ilgan. 11 yoshida onasidan ayrilgan va qarindoshlari tarbiyasiga yuborilgan. O‘smirlik yillarida amerikalik xolasiga yordam bergan va 20 yildan ortiq vaqt davomida Texasning Hyuston shahridagi KTRK-TVda qahvaxonani boshqargan. Frensis tayyorlagan shirinliklar KTRK-TV xodimlari orasida ayniqsa mashhur edi.
So‘nggi yillarda ayol Hyustonda 95 yoshli qizining uyida yashagan. 25-iyul kuni Frensis o‘zining 115 yoshini nishonladi. Ayol uzoq umr ko‘rish sirini butun umri davomida qo‘llagan prinsipi bilan bog‘ladi: “Nimani o‘ylasang shuni gapir, ichingda saqlama”.
“Elizabet xonim Hyustonning haqiqiy ramzi va jamiyatimizning qadrli a’zosi edi”, deyiladi uzoq umr ko‘rish bo‘yicha tadqiqot bilan shug‘ullanuvchi LongeviQuest kompaniyasi xabarida.
Izoh (0)