Chikagolik 104 yoshli Doroti Xoffner vafot etdi. Yaqinda ayol parashyutda sakragandi — bu amaliyot Ginnesning rekordlar kitobiga kirishi mumkin.
Doroti Xoffner 2023-yil 1-oktyabrda tajribali parashyutchi Derek Baxter bilan tandem sakrashini amalga oshirgan.
Ayolga g‘amxo‘rlik qilib kelgan tibbiyot xodimi Jo Konantning aytishicha, 9-oktyabr kuni qariyalar uyi xodimlari ayolni o‘lik holda topgan. Doroti Xoffner uyqusida vafot etgan.
Konanat Xoffner juda harakatchan ayol bo‘lganini aytdi.
“U hech charchamasdi. U tushdan keyin uxlaydigan yoki birorta tadbirni o‘tkazib yuboradigan odam emasdi. Har doim nima bilandir band edi”, — dedi Konant.
1-oktyabr kuni Xoffner 4100 metr balandlikda parashyut bilan samolyotdan sakradi. Hozir Jo Konant yangi rekordni ro‘yxatdan o‘tkazish uchun hujjatlarni tayyorlamoqda. Birinchi safar ayol 100 yoshida parashyutdan sakragan.
Amaldagi rekord shvetsiyalik 103 yoshli Linnea Ingegard Larssonga tegishli.
Skydive Chicago va AQSH parashyutchilar uyushmasi Doroti Xoffner xotirasiga hurmat bajo keltirdi.
“Biz Dorotining vafotidan chuqur qayg‘udamiz va uning parashyutdan sakrash bo‘yicha jahon rekordini o‘rnatishda ishtirok etganimizdan faxrlanamiz”
Doroti Xoffner 40 yildan ortiq Illinoys Bell telefon kompaniyasida operator bo‘lib ishlagan va 43 yil oldin nafaqaga chiqqan. U oila qurmagan, yaqin qarindoshlari ham yo‘q.
Izoh (0)