Xitoylik 17 yoshli o‘smirning onasi uni kattalar hayotini va ta’lim olishning qanchalik muhimligini tushunishi uchun do‘konda ishlashga yuborgan. Biroq 10 kun ichida yigit 10 ming yuan (1,4 ming AQSH dollari) ishlab topganidan so‘ng, maktabni tashlashga qaror qildi.
Shen oshpazlik kollejida tahsil oladi. Ammo uning baholari pasaya boshlaydi va u onasi Denga endi o‘qishni xohlamasligini aytadi.
Ayol agar o‘g‘li kattalardek ishlab, pul topishning qanchalik mushkulligini anglasa, o‘qishga jiddiyroq munosabatda bo‘la boshlaydi, degan xulosaga keladi. Onasining yo‘l-yo‘riqlari bilan Shen kichik do‘koncha quradi. Denni hayratga solib, u darhol ishga kirishadi.
Yigit har kuni ertalab soat 9 da ovqat tayyorlashni boshlaydi. Tushlikdan keyin Shen uyidan 13 kilometr uzoqlikda chodir o‘rnatib, tun bo‘yi mahalliy aholiga ko‘cha taomlarini sotadi. Yigit uyga taxminan ertalab 3 da qaytib keladi.
O‘smirning aytishicha, u mahalliy aholining qo‘llab-quvvatlashi va tirishqoqligi tufayli muvaffaqiyatga erishgan. Endi u maktabni tashlab, o‘zini to‘liq biznesga bag‘ishlashga qaror qilgan. Hozirda Shen chodirni yaxshilash uchun uch g‘ildirakli elektr velosiped sotib olishni reja qilmoqda.
Izoh (0)