Ipak Yo‘li Banki Xalqaro moliya korporatsiyasi (IFC) bilan 42 million AQSH dollari miqdorida kredit liniyasini jalb qilish bo‘yicha shartnoma imzolaganligi haqida mamnunlik bilan eʼlon qiladi. Mazkur shartnoma O‘zbekistondagi kichik biznes va tadbirkor ayollarning moliyalashtirish imkoniyatlarini rivojlantirishga qaratilishi rejalashtirilgan.
Shartnomaga asosan kredit mablag‘larining 25 foizi ayol tadbirkorlarni qo‘llab-quvvatlash uchun yo‘naltiriladi. Ushbu moliyaviy resurslar kichik va o‘rta bizneslarning rivojlanishiga va yangi ish o‘rinlarini yaratishiga yordam beradi, bu esa o‘z navbatida milliy iqtisodiyotning o‘sishiga xizmat qiladi.
IFC va Ipak Yo‘li Banki o‘rtasidagi hamkorlik 2018-yilda IFC tomonidan 15 million AQSH dollari miqdoridagi kichik bizneslarni qo‘llab-quvvatlash uchun ajratilgan kredit liniyadan boshlangan, ushbu yangi shartnoma esa o‘z navbatida tomonlar o‘rtasidagi munosabatlarni yanada mustahkamlanayotganining dalildir. Shu bilan bir qatorda, IFC tomonidan Ipak Yo‘li Bankiga kichik va o‘rta bizneslarga mo‘ljallangan mahsulotlar va xizmatlarni optimallashtirish uchun strategik konsalting ko‘magini ham taqdim etadi.
IFC haqida
IFC — Jahon banki guruhining aʼzosi va rivojlanayotgan mamlakatlarda xususiy sektorga eʼtibor qaratgan eng yirik global rivojlanish institutidir. 2024-moliyaviy yilda IFC rivojlanayotgan mamlakatlardagi xususiy kompaniyalar va moliya institutlariga rekord miqdorda 56 milliard dollar mablag‘ ajratdi. Batafsil maʼlumot www.ifc.org saytida.
Reklama huquqi asosida.
Izoh (0)