Isroil rasmiylari Eronga hujum qilishga tayyorgarlik haqidagi hujjatlar Amerika OAVga sizib chiqqanidan keyin uni kechiktirishga qaror qildi, deb yozadi The Times o‘z manbasiga tayanib. Unga ko‘ra, Isroil rasmiylari muqobil reja ustida ishlamoqda.
Nashrning aniqlik kiritishicha, Isroil bu ma'lumotlarning tarqalishi Eronga hujum shakllarini taxmin qilishga yordam berishi mumkinligidan xavotirda.
“AQSH hujjatlarining oshkor etilishi ma’lum strategiya va tarkibiy qismlarni o‘zgartirish zarurati tufayli hujumni kechiktirdi. Qasos olinadi, ammo bu kutilganidan ko‘proq vaqt talab qildi”, — dedi nashrning razvedkadagi manbasi.
1-oktyabr kuni Eron Isroil hududiga 180 dan ortiq ballistik raketa uchirdi va buni "Hizbulloh" bosh kotibi Hasan Nasrullohning o‘ldirilishiga javob deb atadi. Isroil ommaviy ravishda hujumga javob berishga va'da berdi.
18-oktyabr kuni internetda “o‘ta maxfiy” deb belgilangan hujjatlar sizdirildi. Unda Isroil qo‘shinlarining harakati va yahudiy davlatining Eronga hujumga tayyorgarligi haqida ma’lumotlar bor edi.
E’lon qilingan fayllarda Isroil Eronga hujum qilish uchun havo-yer raketalaridan foydalanishni mashq qilayotgani ko‘rish mumkin edi. Bundan tashqari, hujjatlar Isroilning yadro quroliga ega ekanligini bilvosita tasdiqlaydi, garchi mamlakat rasmiylari buni rad etgan bo‘lsa ham.
AQSh ma'lumotlar sizib chiqishi bilan bog‘liq holatni tekshirmoqda.
Izoh (0)