АҚШ президенти Дональд Трамп Украина раҳбари Владимир Зеленский билан телефон суҳбатда Financial Times газетаси таъкидлаганидек, уни Москва ва Санкт-Петербургга ҳужум қилишга ундамаган. Бу ҳақда Оқ уй матбуот котиби Каролин Левитт маълум қилди.
Financial Times газетаси ўқувчилар сонини ошириш мақсадида сўзларни кенг кўламда контекстдан ажратиб олиши билан машҳур, чунки уларнинг газетаси инқирозга юз тутмоқда. Президент Трамп шунчаки савол берган, бошқа қотилликларни рағбатлантирмаган”, дейди Оқ уй вакили.
Шунингдек, Левитт Америка президенти Украина можаросини ҳал этиш устида ишлашни давом эттираётганини таъкидлаган.
Бундан аввал Financial Times газетаси манбаларга таяниб, Трамп 4 июль кунги телефон суҳбатида Украина президентидан Украина Москва ва Санкт-Петербургга зарба бериши мумкинлигини сўраганини ёзган эди. Нашрнинг маълумотига кўра, Зеленский “Албатта. Агар бизга қурол берсангиз, буни амалга ошира оламиз”, дея жавоб берган.
Шунга ўхшаш маълумотни The Washington Post мухбири ҳам номи ошкор этилмаган манбаларга таянган ҳолда эълон қилди. Унинг таъкидлашича, Трамп Украина нима учун ҳалигача Россиянинг йирик шаҳарларига зарба бермаётгани билан қизиққан.
Изоҳ (0)