AQSh prezidenti Donald Tramp 4-iyul kuni Ukraina prezidenti Vladimir Zelenskiy bilan o‘tkazgan telefon orqali suhbatda uni Rossiya hududining ichki qismlariga zarba berishga undadi. Bu haqda Financial Times xabar bermoqda.
Agentlik manbasiga ko‘ra, Oq uy rahbari ukrainalik hamkasbidan uzoq masofali qurollar yetkazib berilgan taqdirda, Ukraina Rossiyaning ichkarisidagi harbiy nishonlarga zarba berish imkoniyatiga ega bo‘ladimi, deb so‘ragan.
“Vladimir, Moskvaga zarba bera olasizmi? Sankt-Peterburgga zarba bera olasizmi?”, deya so‘ragan Tramp.
Manbaga ko‘ra, Zelenskiy “Albatta. Agar bizga qurol bersangiz, zarba bera olamiz”, degan javobni bergan.
Ta’kidlanishicha, Tramp bunday strategiyani qo‘llab-quvvatlashini bildirgan va buni Rossiya shaharlariga zarbalar Kremlni muzokaralar stoliga o‘tirishga majbur qilishi kerakligi bilan izohlagan.
Qo‘ng‘iroq mazmunidan xabardor bo‘lgan G‘arb rasmiylaridan birining aytishicha, ushbu suhbat Ukrainaning G‘arbdagi hamkorlarining uzoq masofali qurollarni yetkazib berishni muhokama qilishga tayyorligi ortib borayotganini aks ettiradi.
Oq uy va Ukraina prezidenti ofisi hozircha izoh so‘rovlariga javob bermagan.
O‘tgan hafta Rimda bo‘lib o‘tgan Ukrainani tiklash bo‘yicha xalqaro konferensiya doirasida AQSH tomoni Zelenskiy bilan Ukrainaga berilishi mumkin bo‘lgan uzoq masofali zarba tizimlari ro‘yxatini baham ko‘rgani aytilmoqda.
Ukrainaliklar taxminan 1600 km masofaga uchadigan yuqori aniqlikdagi Tomahawk raketalarini so‘ragan.
“Ammo Tramp ma’muriyati, Bayden ma’muriyati singari, Ukrainaning tiyiqsizligidan xavotirda edi”, dedi manba.
Dushanba kuni NATO bosh kotibi Mark Rutte bilan Oval kabinetdagi uchrashuvda Tramp Ukrainaga Patriot zenit-raketa tizimlari va tutqich raketalarini yetkazib berish rejasini e’lon qildi. Biroq boshqa qurol tizimlari yetkazib berilishi haqida ma’lumot bermagan.
Izoh (0)