АҚШ президенти Дональд Трамп Украинадаги урушни тугатиш учун Россияга 50 кун муҳлат берганди. Россия Хавфсизлик кенгаши раис ўринбосари Дмитрий Медведев мазкур талабга жавоб қайтарди.
Трамп Кремлга декоратив ультиматум қўйди. Оқибатини кутиб, дунё ларзага келди. Ҳарбий кайфиятдаги Европанинг ҳафсаласи пир бўлди. Россияга эса барибир, деди Медведев.
Бундан бир ҳафта аввал Трамп Россияга қарши “кичик сюрприз” тайёрлаётганини айтганди. Ўшанда у Украинадаги можарони ҳал қилиш борасида Россия раҳбариятидан норозилигини билдирган. Яқинда Трамп НАТО бош котиби Марк Рютте билан учрашувда Москвага қарши янги чораларни эълон қилди.
Унга кўра, агар Украина масаласида ижобий натижа бўлмаса, АҚШ 50 кундан кейин Россиянинг савдо ҳамкорларига 100 фоизлик бож жорий этади. АҚШ президенти Украина учун 17 та Патриот зенит-ракета тизими етказилиши мумкинлигини ҳам айтган.
Мен у билан урушни тўхтатиш кераклиги ҳақида кўп гаплашаман. Гўшакни қўйиб, ажойиб суҳбат бўлди дейман. Кейин яна ракеталар уча бошлайди. Бу ғалати, деб ўйлайман. Бундай ҳолат 3-4 марта такрорлангач, бу суҳбатларнинг ҳеч қандай маъноси йўқлигини тушуниб етдим, деган Трамп.
Аслида, Трампнинг қўлида Россияга “кучли зарба бериш” учун ҳуқуқий “болға” ҳам мавжуд эди. Бу республикачи сенатор Линдси Грем ва Коннектикут штатидан демократ Ричард Блюментал тайёрлаган қонун лойиҳаси ҳисобланади. Унда Россияга қарши санкциялардан ташқари, Россия нефти, нефть маҳсулотлари, табиий газ, уран ва бошқа товарларни харид қилувчи мамлакатлардан импорт қилинадиган маҳсулотларга 500 фоизлик божлар белгилаш кўзда тутилган.
АҚШ Европага катта ҳажмда қурол сотмоқчи, бу эса охир-оқибат Украинага ёрдам беради, деган Трамп баёнотидан олдин сенатор Грем.
У, шунингдек, Конгресс яқин орада АҚШ тарихидаги энг катта санкциялар пакетини қабул қилишини билдирган. Бу санкциялар асосан Хитой, Ҳиндистон ва Бразилияга қаратилган бўлади.
Изоҳ (0)