АҚШнинг янги бош прокурори Пем Бонд коронавирус билан боғлиқ айбловлар асосида 35 йилга қамалиши керак бўлган шифокорга нисбатан ишни ёпди. Бу ҳақда Reuters хабар берди.
Юта штатидан бўлган шифокор Майкл Кирк Мур эмлаш сертификатларини қалбакилаштириш ва 28 минг доллардан ортиқ миқдордаги вакциналарни йўқ қилишда айбланган эди. Суд жараёни 2025 йил июль ойида бошланган. Унга 35 йилгача озодликдан маҳрум этиш жазоси таҳдид солаётганди.
Доктор Мур федерал ҳукуматдан фарқли ўлароқ, ўз беморларига танлов ҳуқуқини берган. У таҳдид солинаётган қамоқ йилларига лойиқ эмас эди. Бугун бу иш якунланди, деган прокурор Пем Бонд.
Маълумотларга кўра, пандемия даврида Мур эмланганлик ҳақида сохта сертификатлар ёзиб берган, болаларга ота-онасининг розилиги билан вакцина ўрнига тузли эритма юборган. Шунингдек, у давлатга тегишли вакциналарни йўқ қилиш ва деярли икки мингга яқин сохта COVID-сертификатларини тарқатишда айбланган.
Бонднинг бу қарори АҚШ Адлия вазирлигининг янги раҳбарияти томонидан илгари бошланган ишларни қайта кўриб чиқиш доирасида қабул қилинди.
Изоҳ (0)