MrBeast номи билан танилган Жимми Дональдсон 27 ёшида миллиардер мақомига эришиб, дунёдаги энг ёш селф-маде (ўз кучи билан муваффақият, бойлик ва шон-шуҳратга эришган) миллиардерга айланди.
Унинг бойлиги 1 миллиард долларга баҳоланмоқда, ойлик даромади эса тахминан 50 миллион долларни ташкил этади. У ўз карьерасини YouTube’да бошлаган, у ерда 2017 йилда 44 соат давомида 100 000 гача санаган видеоси туфайли машҳур бўлган — бу ролик 31 миллиондан ортиқ кўрилган.
YouTube’даги каналидан ташқари, MrBeast Feastables бренди, Beast Games шоуси ва мерч линияси каби лойиҳаларини ривожлантирмоқда. Шунингдек, Амазон билан стриминг соҳасида ҳамкорлик қилишни режалаштирилган. 2024 йилда Forbes унинг даромадини 85 миллион долларга баҳолаган, аммо MrBeast Burgers лойиҳаси бўйича суд маълумотлари шуни кўрсатдики, у 2023 йилда 223 миллион доллар ишлаб топган, 2024 йилда эса бу миқдор 700 миллион долларга кўтарилган.
Шимолий Каролина штатида туғилган Жимми Дональдсон ўсмирлик даврида компьютер ўйинлари видеоларини суратга олишни нолдан бошлаган. У, шунингдек, хайрия ишлари билан фаол шуғулланади.
Изоҳ (0)