Дунё бўйлаб 4 февраль Саратон касаллигига қарши кураш куни сифатида нишонланади. Статистик маълумотларга кўра, ҳар йили ўртача 10 миллион киши, кунига 28 089 киши саратон касаллигига чалинади. Афсуски, ҳеч ким бундай ташхисдан ҳимоялана олмайди.
“Менинг ҳаётим” (1993)
- Жанр: драма
- Режиссёр: Брюс Жоэл Рубин
- Ролларда: Майкл Китон, Николь Кидман, Майкл Константин, Ребекка Шелл, Куин Латифа
Ташқаридан қараганда, Боб Жонс (Майкл Китон) ҳаётда ҳамма нарсага эришган: муваффақиятли карьера, гўзал рафиқа (Николь Кидман), яқиндагина ҳис қилган оталик ҳисси. Бироқ кўп ўтмай у буйрак саратонига чалинганини билиб қолади — шифокорлар кўпи билан бир йил умри қолганини айтади. Фарзандининг болалигидаги муҳим дақиқаларни кўра олмаслигини англаган Боб ўғлига хабарлар қолдириб, унинг ҳар бир қадамини тасвирга олишни бошлайди.
“Ўгай она” (1998)
- Жанр: драма
- Режиссёр: Крис Коламбус
- Ролларда: Жулия Робертс, Сюзан Сарандон, Эд Ҳаррис, Жена Мэлоун, Лиам Айкен
Жеки Ҳаррисон (Сюзан Сарандон) собиқ эри Люк (Эд Ҳаррис) уни ёш севгилиси Изабель (Жулия Робертс)ни деб ташлаб кетганини ҳазм қилолмайди. Аммо эри икки фарзандидан (12 ёшли Анна ва 7 ёшли Бен) воз кечмоқчи эмас, шунинг учун у имкон қадар тез-тез улар билан вақт ўтказишга ҳаракат қилади. Собиқ аёли янги ўгай онага ҳасади келади ва болаларни Изабелга қарши қайраш учун қўлидан келганини қилади. Қизнинг оғир касал эканлигини билгач, ҳаммасини унутиб, Изабел билан муносабатларни яхшилашга қарор қилади.
“Токи ҳаёт эканмиз” (2007)
- Жанр: драма, комедия, саргузашт
- Режиссёр: Роб Рейнер
- Ролларда: Жек Никольсон, Морган Фриман, Шон Хейс, Беверли Тодд, Роб Морроу
Кекса миллиардер ва клиникалар тармоғининг эгаси Эдвард Коул (Жек Николсон) оғир ташхис билан ўзининг касалхонасига тушади. Икки кишилик хонада у билимдон автомеханик Картер Чамберс (Морган Фриман) билан танишади. Картернинг ҳолидан кўплаб қариндошлари хабар олиб туради, Эдвардни кўргани эса фақат ёрдамчиси келади (миллиардер бир неча йил олдин ёлғиз қизи билан жанжаллашиб қолган).
Тасодифан Картернинг ўлимидан олдин қилмоқчи бўлган ишлари рўйхатига кўзи тушган Эдвард янги дўстини барча орзуларини биргаликда амалга оширишга таклиф қилади — парашютда сакрашдан тортиб дунё бўйлаб саёҳатгача.
“Ҳаёт гўзал” (2011)
- Жанр: драма, мелодрама, комедия
- Режиссёр: Жонатан Левин
- Ролларда: Жозеф Гордон-Левитт, Сет Роген, Анна Кендрик, Брайс Даллас Ҳовард, Анжелика Ҳюстон
27 ёшли Адам (Жозеф Гордон-Левитт) саратон касаллигига чалинган, лекин йигит таслим бўлмоқчи эмас. Адам энг яқин дўсти Кайл (Сет Роген) билан биргаликда жиддий касалликнинг барча босқичларини босиб ўтади ва асосий саволга жавоб беришга ҳаракат қилади: ҳаёт маъноси нима? Ҳикоя саратон касаллигини енгган киносценарий муаллифи Уилл Райзернинг ҳаётий тажрибасига асосланган.
“Проффесор” (2018)
- Жанр: драма, комедия
- Режиссёр: Уэйн Робертс
- Ролларда: Жонни Депп, Розмари ДеВитт, Одесса Янг, Дэнни Ҳюстон, Зои Дейтч
Коллеж профессори Ричард Браун (Депп) ўрта ёшдаги инқирозни бошдан кечирмоқда: иши энди завқ келтирмайди, хотини билан ажрашади ва ўсмир қизи уйдан кетмоқчи. Ричардга саратон ташхиси қўйилгач, ҳаммаси ўзгаради. Эркак олдинги муносабат ва чекловларни унутишга қарор қилади ва ўзи истагандек яшашни бошлайди.
Изоҳ (0)