Миллиардер инсонлар ҳеч қандай қийинчилик кўрмай, ҳаётнинг аччиқ-чучугини татимай улғайган, деган хато тасаввур бор. Ҳаттоки, улар болалигида камбағалликда кун кечирган бўлса ҳам, бойликка фирибгарлик йўли билан ёки турли алоқалар воситасида осонгина эришган, деган фикрлар ҳам йўқ эмас. Аммо бугунги қаҳрамонларимиз муваффақиятга ўз меҳнати ва ақл-идроки билан эришгани шубҳасиз.
Ралф Лорен (умумий бойлиги 6,3 миллиард доллар)
Ралф Лорен америкалик мода дизайнери, хайрия ишлари фаоли ва бизнесмен. У кўп миллиард долларлик глобал корхона Ralph Lauren корпорацияси билан машҳур. Лорен муҳожирлар оиласида туғилган: болалигида у ота-онаси ҳамда уч ака-синглиси билан бир хонали квартирада яшаган. Унинг отаси биноларни бўёқ билан таъмирлаш ишлари билан шуғулланган, онаси уй бекаси бўлган.
Аммо Лаурен болалигиданоқ тиришқоқ йигит бўлган. У 1957 йилда DeWitt Klinton ўрта мактабига ўқишга киргунга қадар Манхеттен Талмуд академиясида кундузги мактабда ўқиган, кечалари эса ишлаб, оиласига молиявий ёрдам берган.1 бизнинг қаҳрамонимиз ёшлигиданоқ машҳур миллионер бўлишини билар эди. Ралф 12 ёшида ўзининг биринчи костюмимни сотиб олган. Университетга киргач, Калвин Клеин ва Роберт Дэннинг каби машҳур мода дизайнерлари билан бирга Бронксдаги бир нечта дизайн профессионалларидан бирига айланди. Ҳозирда у таъсис қилган Ralph Lauren компанияси бутун дунёга машҳурдир.
Ян Кум (умумий бойлиги 9,2 миллиард доллар)
Келиб чиқиши украин бўлган америкалик бизнесмен ва компьютер дастурчиси Ян Кум мобил хабар алмашиш иловаси — WhatsApp асосчиси ва собиқ бош директоридир. Илова 2014 йилда Facebook томонидан 19,3 миллиард АҚШ долларига сотиб олинган.
Ян Кум ёшлигида озиқ-овқат дўконида фаррош бўлиб ишлаган ва ўзининг биринчи пулларини топди. У болалигида онаси ва бувиси билан яшаган, орадан кўп вақт ўтмай онаси саратон туфайли ногирон бўлиб қолгани учун йигит барвақт улғайишга мажбур бўлди. Шунга қарамай, Жан ишлаётганда мактабни ҳам, университетни ҳам тугатишга муваффақ бўлди.
2009 йилда Кум iPhone сотиб олди ва App Store дўконида бутунлай янги иловалар саноати пайдо бўлишини тушунди. У дўсти Алекс Фишман билан янги илова —WhatsApp’ни яратди. Бир ҳафта ўтгач, 33 ёшга тўлган куни Калифорнияда WhatsApp Inc компаниясига асос солди.
Франсуа Пино (умумий бойлиги 28,5 миллиард доллар)
Тадбиркорнинг ёшлиги ҳам камбағал ва қийинчиликлар билан кечган. Миллиардер кейинчалик ўзи айтиб беришича, у тенгдошлари томонидан қашшоқлиги туфайли доим ҳақорат қилинган, шунинг учун у 16 ёшида мактабни ташлаб кетган ва пул топишга киришиб кетган. Сўнг Пино таъминотчилардан бирининг қизига уйланади. Қайнотаси унга бизнес қилишга ёрдам беради. Капиталини омадли сармоя ва биржага қўйгани унга фойда беради. Ҳозирги вақтда у жаҳон брендлари Yves Saint Laurent, Bottega Veneta, Stella МcCаrtney, Аlexander МcQueen, Gucci модалар уйи ва Christie’s аукцион уйига эгалик қилади.
Шелдон Аделсон (умумий бойлиги 41 миллиард доллар)
Бир вақтлар Аделсонлар оиласи нон ва сув билан кун кечирарди: унинг отаси оддий такси ҳайдовчиси бўлган, болалари ерда ухлаган. Шелдон 12 ёшида иш бошлаган, кейинроқ брокер, сармоядор ва молиявий маслаҳатчи бўлган. У 50 га яқин компания очган ва 2008 йил инқирозида деярли ҳамма нарсани йўқотган.
Аммо бундан сўнг у дунёдаги энг йирик казино — La- Vegas Sands’ни ташкил қилган ва Қўшма Штатларнинг сиёсий “донорлари” дан бирига айланган. У АҚШ Республикачилар партиясининг йирик ҳомийларидан ва Дональд Трампнинг энг нуфузли тарафдорларидан бири бўлган. 2016 йилги сайлов кампанияси вақтида Аделсонни “Трампнинг ҳамёни” деб аташган.
Лас-Вегасдан ташқари Макао ва Сингапурда казиноларга эгалик қилган миллиардер Шелдон Аделсон 87 ёшида саратон туфайли вафот этган.
Ларри Эллисон (умумий бойлиги 64,1 миллиард доллар)
Америкалик бизнесмен ва Oracle Corporation дастурий таъминот компаниясининг асосчиси. 1977 йилдан 2014 йилгача Oracle компаниясининг бош ижрочи директори бўлган ва ҳозирда унинг технология бўйича бош директори ва ижрочи раисидир.
Эллисон чақалоқлигида оғир касал бўлиб қолганида, унинг 19 ёшли онаси болани қариндошларига бериб юборган. Кейин уни боқиб олган холаси Ларри ёш бола пайтида вафот этади. Эллисон онасининг исмини билмаган ва 48 ёшга тўлганидагина у билан учрашган.
Ўсмир ёшида. Эллисон Калифорнияга отланади ва ўзини боқиш учун 8 йил давомида қора ишда меҳнат қилишга мажбур бўлади. 1977 йилда Эллисон дунёдаги энг йирик технологик корпорациялардан бири — Oracle’ни яратди.
Изоҳ (0)