13 декабрь куни замонамизнинг энг машҳур хонандаларидан бири Тейлор Свифт 35 ёшни қарши олди. Қуйида унинг юлдузлик мақомига эришиш йўли ҳақида сўз боради.
Дастлабки йиллар: буюк келажакни орзу қилиб
Тейлор 1989 йилда Пенсилвания штатининг Ваёмиссинг шаҳрида туғилган. Свифт ҳаётининг биринчи йилларини ота-онасининг Рождество дарахтлари фермасида ўтказди. У Алверниа Монтессори мактабида мактабгача таълим муассасасига қатнади, сўнг Вайндерофт мактабига ўтди.
9 ёшида Свифт мусиқали театрга қизиқиб қолди ва Беркс Ёшлар театр академиясининг тўртта спектаклида иштирок этди. У мунтазам равишда Нью Йоркка вокал ва актёрлик сабоқлари учун бориб турди. Кейинчалик Свифт кантри мусиқасига эътибор қаратди.
У дам олиш кунларида маҳаллий фестивал ва тадбирларда чиқиш қилди. Faith Hill ҳақидаги ҳужжатли фильмни томоша қилган хонанда мусиқий карьерасини давом эттириш учун Теннесси штатининг Нешвилл шаҳрига бориши кераклигига ишонч ҳосил қилди.
Нешвиллга кўчиб ўтиш: муваффақият сари биринчи қадам
2004 йилда Тейлор кантри мусиқасининг пойтахти Нешвиллга онаси билан кўчиб ўтди. У ерда ўсмир қиз Доллй Партон ва Дикси Чиcкс томонидан караоке учун муқовалар билан демо тақдим этди. Бироқ бу асар ҳеч кимни ажаблантирмади. Унга ўхшаган ёш хонандалар кўплигини айтишди. Шунга қарамай Тейлор лейбл билан шартнома имзолашга ва профессионал карьерасини бошлашга умид қилди. Бир йил ўтгач, у Big Machine Records билан шартнома имзолади, бу қадам унинг мусиқа соҳасидаги буюк саёҳатининг бошланиши бўлди.
Дастлабки муваффақиятлар
Тейлорга кантри мусиқасини тушунишга ёрдам бериш учун отаси Нешвилдаги Меррилл Лйнч офисига кўчиб ўтди. Оила Теннесси штатининг Ҳендерсонвилл шаҳридаги кўл бўйидаги уйда яшай бошлаганида Тейлор 14 ёшда эди.
Свифт давлат ўрта мактабда ўқиди, сўнг икки йилдан кейин Аарон академиясига ўтди. Уйда таълим олгани туфайли у академияни бир йилда — жуда эрта тугатди.
Тейлор Свифтнинг 2006 йилда чиққан биринчи альбоми унга бир зумда машҳурлик келтирди. “Love story”, “Tim МcGraw” ва “Our Song” каби қўшиқлар хитга айланиб, ёш хонандага ажойиб имкониятлар оламига эшик очди.
Кейинги йилларда у “Fearless” (2008) ва “Speak Now” (2010) каби бир нечта муваффақиятли альбомларини чиқарди. Ҳар бир янги рекорд унга кўпроқ эътироф ва машҳурлик олиб келди.
Биринчи ҳафтада ярим миллион нусхадан ортиқ сотилган “Fearless” альбоми Billboard рўйхатида юқори ўринларни эгаллади. “You Belong with Me” ва “Trouble” каби сингллар ҳам бутун дунёда машҳур бўлди.
Услуб эволюцияси: янги марраларни забт этиш
Вақт ўтиши билан Тейлор кантри услубидан узоқлашиб, поп мусиқаси устида тажриба ўтказа бошлади. Унинг “Red” (2012) альбоми ижодида янги даврни бошлаб берди. “We Are Never Ever Getting Back Together” қўшиғи халқаро ҳитга айланиб, Тейлор ҳар қандай жанрда муваффақиятли ишлай олишини исботлади.
2010 йилда Свифт ўзининг биринчи дунё бўйлаб турнесини бошлади. У Шимолий Америка бўйлаб кичик жойларда концерт берди. Худди шу йили у мукофотлар танловида устунлик қилди. “Fearless” апрель ойида Country Music академияси томонидан йилнинг энг яхши альбоми деб топилди.
Хонанда кейинги йилда иккинчи поп-альбоми — “Shake It Оff ” устида ишлай бошлади. Унинг биринчи ҳафтадаги сотуви “Red” альбоминикидан ошиб кетди.
Муаллифлик ҳуқуқи учун кураш
Тейлор фаолияти давомида кўплаб қийинчиликларга дуч келди. Улардан бири менежер Скутер Браун билан унинг қўшиқлари билан боғлиқ можаро эди. 2019 йилда у ўз ижодларини назорат қилиш мақсадида эски альбомларига бойкот эълон қилди. Бу қадам Тейлорнинг қатъияти ва мустақил бўлишга интилишини исботлаб берди.
Ҳаётнинг янги боби
Бу орада Свифт миллионлаб тингловчиларга ёқадиган қўшиқларни чиқаришда давом этди. “Lover” (2019) альбоми унинг супер юлдуз мақомини яна бир бор тасдиқлади. COVID-19 пандемияси пайтида ёзилган “Folclore” (2020) альбоми чиққандан сўнг хонанда яна бир бор барча чартларнинг энг юқори поғонасига қайтди.
2021 йил март ойининг охирида хонанданинг иккита сингли тақдимоти бирданига бўлиб ўтди. Бу “You All Over Me” мусиқий композициялари ва “Love Story” ремикси эди. Иккала трек ҳам янги “LP Fearless” (Teylor Version)га киритилди.
2023 йилни ўзининг Eras номли дунё гастроллари билан ўтказган қўшиқчи Тейлор Свифт илк бор Forbes’нинг миллиардер инсонлар рўйхатига киритилди. У бу мақомга даъвогар Россия президенти Владимир Путин ва Хитой раҳбари Си Цзиньпинни ортда қолдирди. Бугунги кунда хонанда Американинг Billboard журналига кўра 21-асрнинг энг буюк поп юлдузлари рейтингида 2-ўринда турибди.
Bloomberg нашрига кўра, унинг мусиқий альбом, концертлар, гастрол ва турли рекламалар орқали орттирган бойлиги 1,1 млрд долларни ташкил қилади. Тейлор тарихда мусиқасидан миллиард доллардан кўпроқ даромад олган биринчи хонанда ҳисобланади.
Изоҳ (0)