Дунёдаги энг йирик ва ҳашаматли яхталар топ 10 талиги (фото)

Ушбу яхталари шунчалик каттаки, уларда миллиардер хоҳлаган ҳамма нарсани сиғдириш мумкин: концерт залларидан тортиб Ўрта Ер денгизи боғларигача, гольф майдонларидан тортиб пляж клубларигача.

1. Azzam — 180,6 м

Экстерьер дизайнер Марио Педол нафис ва ноодатий дизайн яратиб, мазкур яхтанинг тезлигига урғу беришга ҳаракат қилган. 36 нафар меҳмон (80 нафар экипаж билан бирга) спорт залида, бассейнда ёки гольф майдончасида машқ қилишлари ва ўлчами 29 метрга 18 метр бўлган асосий залда дам олишлари мумкин.

2. Eclips — 162,5 м

Роман Абрамовичнинг суперяхталар флоти гавҳарлари Сент-Бартелемидан Нью Йоркка ажойиб саёҳатлар амалга оширади. Қуйидаги яхтанинг интерери ва жиҳозлари ҳақида маълумотлар кам. Аммо шулар маълумки, яхтада концерт зали, учта ошхона, кинотеатр, вино ертўласи, иккита сузиш ҳавзаси бор, улардан бирини рақс майдончасига айлантириш мумкинлиги аниқ. Бундан ташқари, мазкур яхста 2 та вертолёт, 4 та қайиқ, 20 та скутер ва 12 та ўриндиқли сувости кемасини ўз ичига олади.

3. Dubay — 162 м

Яхта дастлаб Эндрю Винч томонидан Бруней шаҳзодаси Жефри Болкия учун ишлаб чиқилган. Ҳозирги эгаси — Шайх Муҳаммад бин Рашид ал Мактум, Дубай амирлиги ҳукмдори ва Бирлашган Араб Амирликлари бош вазири ҳисобланади. Яхта 24 йўловчи ва 88 экипажга мўлжалланган. Унинг 7 та палубасида катта атриум, дискотека, кинотеатр ва Sikorky Black Hawk ҳарбий транспорт вертолёти учун мўлжалланган вертолёт майдончаси мавжуд. Яхтанинг максимал тезлиги — 26 км/с.

4. Blue — 160,6 м

Яхта замонавий дизайн ва анъанавий интерерга эга бўлиб, уни дизайнер Теренс Дисдейл ишлаб чиққан. Яхта ичкарисида VIP, кўнгилочар ва соғломлаштириш палубаларига бўлинган бўлиб, тепасида кенг кўп қаватли уйлар жойлашган.

5. Dilbar — 156 м

2016 йилда қурилган Dilbar Lüрssen учун муҳим лойиҳа бўлиб, ички ҳажмининг катталиги бўйича етакчилик қилади. Dilbar бортида иккита вертолёт майдончаси ва 25 метрли бассейн — дунёдаги энг узун сузиш ҳавзаси мавжуд. Winch Design ишлаб чиққан интерьер сир сақланади. Яхтани безатишда эса “нодир ва эксклюзив ҳашаматли материаллар” ишлатилганлиги маълум.

6. Ал-Саид — 155 м

Норвегиянинг мазкур улкан суперяхтаси Эспен Оино томонидан эски Уммон султони Қобус бин Саид ал Саид учун ишлаб чиқилган. Бортда 200 нафар экипаж аъзоси ва 70 нафар меҳмонни сиғдириши ва уларConser Lounge ёки кинотеатрда ҳордиқ чиқаришлари мумкин.

7. А+ — 147,2 м

А+ дунёдаги энг сирли суперяхта номи билан донг таратган. Олд палубада вертолёт майдончаси ва орқа томонида сузиш ҳавзаси мавжуд. Яхта Дубай амирлиги оиласи аъзоси ва Манчестер Cитй футбол клубининг вақтинчалик хўжайини Шайх Мансур бин Зоид ал Наҳаёнга тегишли.

8. Princе Аbdulaziz — 147 м

Даниянинг Ҳелсингор Ваэрфт кемасозлик заводи бу яхтани 1984 йилда Саудия Арабистонининг ўша пайтдаги қироли Фаҳдга етказиб берган. Яхтанинг ўзига хос хусусияти шундаки, палубасда масжид, шифохона ва кинотеатр жойлашган. Вестибюллари ҳам “Титаник”даги вестибюл каби ишланган. Машҳур афсонага кўра, яхта хавф туғилганда душман самолётларини қайтариш учун “ер-ҳаво”  ракеталарини олиб юради.

9. Оperа — 146,3 м

Оpera’нинг энг янги суперяхтаси Disdale томонидан ишлаб чиқилган ва 2023 йил март ойида Амирлик қироллик оиласи аъзоси учун ишга туширилган. Унинг интерьери сир сақланади, аммо унда иккита вертолёт майдончаси, 10 метрли бассейн, улкан курорт ва кинотеатр борлиги маълум.

10. ОК — 146 м

Ҳозирда ОК номи билан танилган кеманинг аввалги эгаси 1982 йилда Япониянинг Сuper Сеrvant 3 транспорт кемасини кўрганида, уни жаҳон даражасидаги экспедиция яхтасига айлантирмоқчи бўлади. Таъмирлаш ишларидан сўнг у теннис корти, ёпиқ бассейн ва кинотеатрга эга бўлган ҳашаматли сузувчи оролга айланади. Яхтадаги 20 ўринли коттеж, бассейн ва ботаника боғи ёш дизайнер Тимур Бозки томонидан лойиҳалаштирилган.