Замонавий болалар учун мантиқ худди шундай ишлайди: улар 24/7 офисда бўлишни, даромадларини тадбиркор амакиларига беришни хоҳламайдилар. Кўпчилик ёшлигидан блог юритишни бошлайди ва улардан катта миқдорда пул ишлаб олади. Албатта, бу ёш истеъдодлар чўққиларни забт этаётган ягона соҳа эмас, аммо айнан блог юритиш улар орасида устунлик қилади.
Келинг, бу мақомга эрта ёшда эришган миллионерлар ҳақида сўз юритамиз, деб ёзади Wday нашри.
Жоэл Жонни Сива, блогер
Жоэл рақсга тушади, қўшиқ айтади, актриса ва таниқли блогер. Унинг онлайн аккаунтига 8 миллиондан ортиқ фойдаланувчи обуна бўлган. 2021 йил январь ҳолатига кўра, Жоэлнинг бойлиги 12 миллион долларга баҳоланмоқда.
Қизча Небраскада туғилган ва бир нечта рақс реалити-шоуларида иштирок этиши туфайли машҳур бўлган. 12 ёшида у рақамли “Bumerang” қўшиғини чиқарди, унинг видеоси 810 миллиондан ортиқ томоша қилинди. 13 ёшида Жоэл омманинг “севимли вирусли мусиқа санъаткори” сифатида нуфузли мукофотга сазовор бўлди.
Жордан Кейси, дастурчи
Жордан ҳақиқий даҳо. 9 ёшидан бошлаб у дастурлаш билан фаол шуғулланади. 12 ёшида у iTunes-да муваффақиятли — энг кўп сотилган ўйинни яратди.
Жордан ўсмирлик чоғида ўзининг Casey Games компаниясига асос солган ва IOS учун мобил иловаларни ишлаб чиқишни бошлаган. Ҳозирда у лойиҳани ва бир нечта стартапларни бошқаради. Бунда унга ота-онаси ёрдам беради.
Жорданинг иқтисодий даромади сир сақланади. Бироқ у миллионер эканлигини яширмайди.
Изабелла Баррет, модель
Изабелла моделлаштириш бизнесига жуда эрта кириб келган. 4 ёшида у ўзининг биринчи миллионини ишлаб топди, 11 ёшида эса халқаро гўзаллик танловларида кўплаб ғалабаларга эришди.
Шу билан бирга Изабелла нафақат модель ва қўшиқчи, балки ёш тадбиркор ҳамдир. 6 ёшида қизалоқ Glitzy Girl бренди остида болалар учун косметика ва заргарлик буюмларини ишлаб чиқариш бўйича бизнесни йўлга қўйди. Табиийки, бу унинг ота-онаси кўмагида амалга ошди.
Ҳозирда Изабелла ҳисобида 2 миллион доллардан ортиқ маблағ бор. Ота-онаси ўз орзуларини амалга ошириши ва келгусида ўзини чекламаслиги учун қизининг келажагига пул сарфлашларини тан олишади.
Леанна Арчер, тадбиркор
Тўққиз ёшидан бошлаб Леанна катта бувисининг оилавий рецепти асосида ўзи ихтиро қилган лаб бўёғини сотади. Маҳсулот сотуви ошганида қиз ўзининг косметика тармоғини кенгайтирди.
Бугунги кунда унинг компанияси йилига 100 минг доллардан ортиқ даромад келтиради ва бойлиги 3 миллион долларга баҳоланади. Бундан ташқари, Леанна Гаитилик болаларни қўллаб-қувватловчи The Leanna Archer Education Foundation ташкилотига асос солган.
Настя Радзинская, блогер
Настя Радзинская исмли қиз бор-йўғи 9 ёшда, бироқ бир неча йил олдин у 12 миллиондан ортиқ обуначига эга Like Nastya канали туфайли машҳур интернет юлдузига айланди. Ўз видеоларида бола совғаларни очади, ўйнайди, дўконларга ташриф буюради. Қизнинг оиласи биргина рекламанинг ўзидан ойига 5 миллион рубль ишлаб топади.
Никита Смирнов, SMM мутахассиси
Яна бир ёш россиялик миллионер. У “ВКонтакте” ижтимоий тармоғида профилларни тарғиб қилади. Ўз бизнесини 12 ёшида бошлаган болакай 14 ёшида гуруҳларни реклама қилишни бошлади ва 16 ёшида 1 миллион рубль ишлаб топди.
18 ёшга тўлганда йигит ойига 1 миллион рублга яқин маош ола бошлади, ҳозир у 20 ёшда, даромади эса ойига 2 миллион рублни ташкил этади. Никита янада юқори даромадлар учун ҳаракат қилишда давом этмоқда, Никита 30 календарь кунига камида 1 миллион доллар топишни мақсад қилган.
Эмиль Мотика, тадбиркор
Эмил молиявий саводхонлик бўйича мутахассис. У 9 ёшида майса ўриш бизнесини бошлаган. Вақт ўтиши билан бола иш кўламини кенгайтиришга муваффақ бўлди. 13 ёшида у 8 минг доллар кредит олди ва профессионал майса ўрадиган ускуна сотиб олди. 18 ёшида Эмил ўзининг Motycka Enterprises компаниясига асос солган ва бир мавсумда 100 минг доллар ишлаб топган. Бугунги кунда бу бизнес Мотикага миллионлаб даромад келтиришда давом этмоқда.
Изоҳ (0)