Шоу-бизнес дунёси ҳашамат, катта гонорарлар ва ақл бовар қилмас харажатлар билан тўлиб тошган. Аммо Голливуд юлдузлари ва оммавий ахборот воситалари вакиллари орасида сахийлик билан эмас, балки хасислиги билан машҳур бўлганлар ҳам бор. Улар банкдаги миллионлаб долларларга қарамай, майда-чуйда нарсаларга ҳам пул тежайди. Қуйида тежамкор машҳурлар рейтингининг энг яхши 5 талигини тақдим этамиз.
Леонардо Ди Каприо — табиатан хасис (зиқна) бўлган миллиардер
Леонардо Ди Каприо нафақат дунёнинг энг юқори ҳақ тўланадиган актёрларидан бири, балки тежамкорликнинг намунаси ҳамдир. У ўта табиатпарварлиги билан машҳур. Аммо Леонардонинг тежамкорлиги баъзан патологияга яқинлашади.
Ди Каприо хусусий самолётларда (мукофотларни топшириш маросимларидан ташқари) учишдан бош тортади, эски Toyota Prius’да сайр қилади ва ҳашаматли ҳаёт кечириши мумкин бўлса ҳам, кўпинча арзон меҳмонхоналарда тунайди.
Сара Жессика Паркер — қонида минимализми бор юлдуз
Керри Бредшоу роли билан танилган актрисани эслаганимизда кўз олдимизга мода ва қимматбаҳо кийимлар келади. Аммо ҳақиқий ҳаётда Сара Жессика Паркер молиявий ўзига хосликнинг намунаси ҳисобланади. У болалари учун кийимларни иккинчи қўлдан сотиб олади, брендли нарсалардан қочади ва миллионлаб долларга эга бўлса ҳам, ўртаҳол яшашни афзал кўришини очиқчасига тан олади.
Кристиан Бэйл — бир тийинни ҳам беҳуда сарфламайдиган Бетмен
Кристиан Бэйл миллиардер Брюс Уэйн ролини ўйнаганига қарамай, ўзи жуда камтарона ҳаёт кечиради. У қимматбаҳо машиналар ҳайдамайди, дизайнерлик кийимларини киймайди ва кўпинча бир хил кийимда жамоатчилик олдида пайдо бўлади.
Актёр ҳатто қўриқчи ёлламаслиги ва озиқ-овқат маҳсулотларини дискаунтерлардан сотиб олишни афзал кўриши билан машҳур.
Марк Цукерберг — кулранг футболкали миллиардер
Facebook асосчиси ва сайёранинг энг бой одамларидан бири — Марк Цукерберг ўзининг вазминлиги ва ҳатто зоҳидлиги билан машҳур бўлган.
У бир хил кулранг футболка ва жинси шим кияди, эконом-классда учади ва бутун бир оролни сотиб олишга қурби етса ҳам, ҳашаматли кўчмас мулк сотиб олмайди. Унинг бундай минимализмга мойиллиги мемга айланган ва интернетда муҳокама қилинади.
Майкл Жордан
Жордан баскетболчи сифатида фаолиятини анча олдин якунлаганига қарамай, реклама орқали пул ишлашда давом этмоқда ва янада бойиб бормоқда.
Аммо миллиардлаб долларлик капиталга эга бўлган Майкл ўзининг тежамкорлиги билан машҳур: у камдан-кам ҳолларда чой пули қолдиради, хайрия ишларига камдан-кам маблағ ажратади ва кўчадаги тиланчиларни четлаб ўтади.
“Агар одам пул сўрашдан уялмаса, демак, McDonaldʼs’га хуш келибсиз, нима буюртма қилмоқчисиз, деб айтишдан ҳам уялмайди”, деди Жордан интервьюларнинг бирида ўз позициясини тушунтириб.
Изоҳ (0)