Кўпчилик кунни қаҳва билан бошлашга одатланган, аммо соғлом турмуш тарзини тарғиб қилувчилар орасида кўк чойга бўлган қизиқиш ортиб бормоқда. Мунтазам кўк чой ичиш қандай афзалликларга эга ва бу одат умумий саломатликка қандай таъсир қилади?
Японияда ўтказилган тадқиқот натижаларига кўра, қаҳва ўрнига мунтазам кўк чой истеъмол қилиш кекса одамлар миясидаги оқ модда шикастланишидан ҳосил бўладиган деменция ҳолатларини камайтиради, деб ёзади The Telegraph.
Қаҳва яллиғланишга қарши таъсирга эга ичимлик бўлса-да, кўк чой каби кўплаб ва узоқ муддатга етадиган фойдали эмас. Кўк чой унинг шифобахш хусусиятларини кучайтирувчи катехинларни ўзи очига олади. Ушбу антиоксидантларнинг 80 фоизи фойдали турдаги моддалар — эпигаллокатехин галлат (EGCG) дан иборат. Улар ҳужайраларга зарар етказмасдан олдин организмдаги оксидловчиларни фаолсизлантиради. Бундан ташқари, ушбу бирикмалар инсулин ишлаб чиқарилишини тартибга солувчи таъсирга эга.
“Эркин радикаллар бу яллиғланиш ва танага зарар етказиши мумкин бўлган молекулалар саналади. Кўк чойдаги антиоксидантлар эса эркин радикалларни зарарсизлантиришга хизмат қилади” дея маълумот берди Диэтитиан УК маркази диетологи Прия Тю.
Япон илмий журналида нашр этилган мақолага кўра, кўк чойнинг ҳимоя таъсири бош мияда “амилоид β” номли зарарли моддалар тўпланишининг олдини олади. Ушбу модда Альцгеймер касаллиги билан оғриган одамларнинг миясида жойлашган қуйқаларнинг асосий компоненти ҳисобланади.
Диэтолог Прия Тюнинг сўзларига кўра, кексайганда ақлий заифликка чалиниш хавфини камайтириш учун кунига бир пиёла кўк чой етарли эмас. Бир кунда 3-7 стакан ичишгина сезиларли фойда келтириши мумкин.
Кўк чойнинг юқоридаги афзалликлари билан бир қаторида, диетолог мутахасс Роб Ҳобсон қуйидаги маълумотларни қайд этди:
“Кўк чой юрак хасталикларининг олдини олишга ҳам ёрдам беради. 2022 йилда ўтказилган тадқиқотларга кўра, мунтазам равишда кўк чой истеъмол қилиш тахикардия, юқори қон босими касалликларини бартараф этиш ва липидларни камайтириши мумкинлиги ҳақида илмий далиллар мавжуд”.
Изоҳ (0)