“Барселона” ёзги трансфер ойнасида ҳужумни кучайтиришни режалаштирмоқда. Шу боис жамоага Виктор Осимҳен ва Душан Влаҳович номзодларини таклиф қилишган. Аммо клуб арзонроққа ёки шартномаси якунига етиб, эркин агент мақомида бўлган ҳужумчилар билан шартнома имзоламоқчи. Бу ҳақида Sport.es нашри хабар бермоқда.
Роберт Левандовски кейинги мавсумда ҳам клубда қоладиган бўлса-да, “Барселона” янги ҳужумчи ёки қанот вингери сотиб олиш ҳақида ўйламоқда. Сўнгги ҳафталарда клубга бир неча футболчилар, жумладан Душан Влаҳович ва Виктор Осимҳен номзодлари таклиф қилинган.
“Барселона” Влаҳовичнинг трансферига қизиқиш билдирмади, сабаби сербиялик футболчининг трансфер қиймати 70 миллион еврони ташкил қилади. Шунингдек, ҳозирда “Галатасарой”да ижарада ўйнаётган Осимҳеннинг ҳам нархи тахминан 70 миллион евро бўлиб, бу сумма “Барселона” учун жуда юқори нарх ҳисобланади. Шунинг учун клуб бошқа вариантларни кўриб чиқишга давом этади.
Аввалроқ “Барселона” бош мураббийи Ҳанси-Дитер Флик “Ливерпуль” футболчиси Луис Диас трансферидан ҳам воз кечгани хабар қилинган эди.
Маълумот учун, “Барселона” 29 учрашувдан кейин Ла Лига турнир жадвалида 66 очко билан етакчилик қилмоқда. Уларнинг асосий таъқибчиси “Реал” 63 очко билан 2-ўринда бормоқда.
Изоҳ (0)