Мадриднинг “Реал” клуби таркибида пенальти ижрочиларини танлаш борасида ҳали ҳам аниқ қарорга келингани йўқ. Ла Лиганинг 30-турида Винисиус Жуниор 11 метрлик жаримани аниқ амалга ошира олмай, жамоасининг “Валенсия”га мағлуб бўлишига сабабчи бўлди.
Marca нашрининг хабарига кўра, бош мураббий Карло Анчелотти жамоанинг асосий пенальти ижрочисини танлаб олди. Агар жамоа Чемпионлар Лигаси доирасида “Арсенал”га қарши баҳсда пенальти қўлга киритса, биринчи бўлиб зарбани Килиан Мбаппе ижро этиши режалаштирилган. Агар у муваффақиятсизликка учраса, кейинги навбат Жуд Беллингемга берилади.
“Реал” ва “Арсенал” ўртасидаги илк чорак финал баҳси 8 апрель, сешанба куни Лондонда бўлиб ўтади. Жавоб учрашуви эса 16 апрель куни Мадридда ўтказилади.
Эслатиб ўтамиз, мадридликлар 30-турдан кейин Ла Лига турнир жадвалида 63-очко билан 2-ўринда кетмоқда. Уларнинг асосий рақобатчиси “Барселона” 67 очко қўлга киритган ҳолда жадвалда етакчилик қилмоқда.
Изоҳ (0)