“Барселона” ёзги трансфер ойнасида харидларни амалга ошира олмаслиги мумкин. Бу ҳақида Relevo нашрига таяниб Eurofootball хабар бермоқда.
Каталония клуби кўплаб юлдуз футболчиларга даъвогар сифатида тилга олинмоқда. Манбанинг хабарига кўра, яқин орада катта трансферларни амалга оширишга уларда имкон йўқ. Сабаби “Барселона” янги футболчиларни сотиб олиш учун етарли маблағга эга эмас. Клуб қиммат футболчиларидан бири билан хайрлашсагина молиявий вазият ўзгариши мумкин.
“Кўк-анорранглилар” қишки трансфер ойнасида ҳеч кимни сотиб олмади, лекин Vitoр Рокени сотишга муваффақ бўлди. “Палмейрас” бразилиялик ҳужумчи учун 25 миллион евродан ортиқ маблағ тўлади.
Ҳозирда Ханс-Дитер Флик бошчилигидаги жамоа 26-турдан кейин 57 очко билан Ла Лига турнир жадвалида етакчилик қилмоқда. Клубнинг энг яқин таъқибчилари “Атлетико”да 56, “Реал”да эса 54 очко мавжуд.
Изоҳ (0)