Италия А Сериясининг 37-туридан ўрин олган баҳсда “Рома” клуби “Милан”ни 3:1 ҳисобида мағлуб этди. Ушбу ўйин римликлар бош мураббийи Клаудио Ранери учун А Сериядаги 500-учрашув бўлди. Бу ҳақда Opta Sports нашри хабар бермоқда.
-snie9uUn.avif)
Ранерининг Италия олий дивизионидаги илк мураббийлик ўйинидан то ҳозиргача бўлган давр 34 йил ва 251 кунни ташкил қилади. Бу уни А Сериядаги барча мураббийлар орасида энг узоқ муддат фаолият юритган мутахассисга айлантиради.
Шунингдек, 73 ёшли Клаудио “Рома” тарихида учта турли ўн йилликда жамоани бошқарган иккинчи мураббийга айланди. Бунгача бундай натижага фақат Нилс Лидҳолм эришганди. Италиялик мутахассис 2009, 2019 ҳамда 2024 йилларда римликларни бошқарган.
Ранери мураббийлик фаолияти давомида Италияда “Кальяри”, “Наполи”, “Фиорентина”, “Сампдория”, “Парма”, “Интер” ва “Ювентус” клубларида ҳам фаолият юритган. У 2016 йилда “Лестер Сити” билан Англия чемпионлигини қўлга киритиб, футбол тарихидаги энг катта сенсациялардан бирини яратганди. Бироқ А Серияда чемпион бўлиш бахти унга насиб қилмаган.
Изоҳ (0)