12 май, якшанба куни футбол бўйича Италия чемпионатининг 36-тури доирасида 5 та учрашув бўлиб ўтди.
Карло Анчелотти қўл остидаги «Наполи» клуби меҳмонда СПАЛга қарши майдонга тушди.
Учрашувнинг 49-дақиқасида неаполликлар ярим ҳимоячиси Маркес Лоурейро Аллан рақиб дарвозасига гол урган бўлса, 84-дақиқага келиб СПАЛ аъзоси Андреа Петаня 11 метрлик жарима зарбасидан Алекс Мерет дарвозасини ишғол қилди (1:1). Орадан 4 дақиқа ўтиб «Наполи» ҳимоячиси Мариу Руй жамоасини ҳисобда олдинга олиб чиқди (2:1).
Шу тариқа «Наполи» сафарда кечган баҳсда СПАЛдан устун келди ва 3 очкога эга бўлди.
Мазкур ғалабадан сўнг «Наполи» очколари сонини 76 тага етказиб олди ва мусобақа жадвалида 2-ўринни банд қилиб турибди.
Шу куни турнинг марказий ўйинида Массимилиано Аллегри бошлиқ Туриннинг «Ювентус» клуби Клаудио Раньери бошқарувидаги Римнинг «Рома» клубига қарши майдонга тушди.
Беллашувнинг 79-дақиқасида Рим клуби ҳимоячиси Алессандро Флоренци ҳисобни очган бўлса, 90-дақиқага келиб ҳужумчи Эдин Жеко ҳисобни 2:0 кўринишига олиб келди (2:0).
Шу тариқа «Рома» ўз майдонида «Ювентус» устидан ғалаба қозониб, муҳим 3 очкони қўлга киритди (2:0).
Ушбу турдан кейин Раньери жамоаси 62 очко тўплаб, мусобақа жадвалида 6-ўринни эгаллаб турибди. Муддатидан аввал чемпионликни қўлга киритган «Ювентус» ҳисобида эса 89 очко мавжуд.
А Серия
36-тур баҳслари
12 май, якшанба
«Торино»—«Сассуоло» 3:2
Голлар: 0:1 — 27 Бурабиа, 1:1 — 56 Белотти, 1:2 — 71 Лирола, 2:2 — 81 Заза, 3:2 — 82 Белотти«Фрозиноне»—«Удинезе» 1:3
Голлар: 0:1 — 11 Окака Чука, 0:2 — 41 Самир, 0:3 — 44 Окака Чука, 1:3 — 85 Диониси«Сампдория»—«Эмполи» 1:2
Голлар: 0:1 — 56 Фариас, 0:2 — 75 Лоренцо, 1:2 — 90, пенальти, КвальяреллаСПАЛ—«Наполи» 1:2
Голлар: 0:1 — 49 Аллан, 1:1 — 84, пенальти, Петаня, 1:2 — 88 Руй«Рома»—«Ювентус» 2:0
Голлар: 1:0 — 79 Флоренци, 2:0 — 90 ЖекоЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)