Футбол бўйича Италия чемпионатининг 34-тури доирасида дастлабки 3 та беллашув бўлиб ўтди.
Клаудио Раньери қўл остидаги Римнинг «Рома» клуби ўз майдонида «Кальяри» билан ўйнади.
Учрашув давомида Рим клуби футболчилари Федерико Фасио (5), Хавьер Пасторе (8) ва Александар Коларов (86) киритган голлар «Рома»га йирик ҳисобдаги ғалабани тақдим этди (3:0).
Мазкур ғалабадан сўнг римликлар очколари сонини 58 тага етказиб, мусобақа жадвалида 4-ўринга кўтарилиб олди. «Кальяри» ҳисобида эса 40 очко мавжуд ва жамоа 11-ўринда бормоқда.
Шу куни турнинг марказий ўйинида муддатидан аввал чемпионликни қўлга киритган Туриннинг «Ювентус» клуби Лучано Спалетти бошлиқ Миланнинг «Интер» клуби билан баҳс олиб борди.
Беллашувнинг 7-дақиқасида майдон эгалари ярим ҳимоячиси Раджа Наингголан шедевр гол муаллифига айланган бўлса, 62-дақиқада «кекса синёра» етакчиси Криштиану Роналду ҳам чиройли тарзда ҳисобни тенглаштирди (1:1). Шу тариқа учрашувда ғолиб номи аниқланмади ва жамоалар бир очкодан бўлишиб олди.
Ўтган турдан чемпионликни қўлга киритиб бўлган туринликлар дурангдан сўнг 88 очко тўплаган ҳолда мусобақа жадвалида пешқадамлик қилаётган бўлса, «нерадзуррилар» 62 очко билан 3-поғонани эгаллаб турибди.
А Серия
34-тур баҳслари
27 апрель, шанба
«Болонья»—«Эмполи» 3:1
Голлар: 0:1 — 17 Паяч, 1:1 — Сориано, 2:1 — 82 Орсолини, 3:1 — 90 Сансоне«Рома»—«Кальяри» 3:0
Голлар: 1:0 — 5 Фасио, 2:0 — 8 Пасторе, 3:0 — 86 Коларов«Интер»—«Ювентус» 1:1
Голлар: 1:0 — 7 Наингголан, 1:1 — 62 Роналду«Интер»: Самир Ҳанданович, Данило ДъАмброзио, Стефан де Врей, Милан Шкриняр, Квадво Асамоа, Матиас Весино, Марсело Брозович, Маттео Политано, Раджа Наингголан, Иван Перишич, Мауро Икарди
«Ювентус»: Войтцех Шенсни, Жоау Канселу, Леонардо Бонуччи, Жоржио Келлини, Алекс Сандро, Миралем Пьянич, Блез Матюиди, Эмре Жан, Хуан Куадрадо, Федерико Бернардески, Криштиану Роналду
Огоҳлантиришлар: Куадрадо (40), Перишич (44), Келлини (45), Кин (90)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)