Италия чемпионати 32-туридаги “Лацио” — “Рома” баҳсида дуранг қайд этилди. Учрашувда Алессио Романьоли ҳисобни очган бўлса, бир оздан кейин Матиас Суле таблодаги ҳисобни тенглаштириб қўйди.
Sofascore талқинига кўра, “Рома” посбони Миле Свилар учрашувнинг энг яхши футболчиси бўлди — 8,5 балл. Дарвозабон баҳсда 7 та сейвни амалга ошириб, жамоасининг 1 очко қўлга киритишида муҳим рол ўйнади.
Захирадан майдонга тушган Элдор Шомуродов 6,7 баллга лойиқ кўрилди. 31 дақиқа ҳаракат қилган футболчи бу вақт давомида умумий 11 марта тўпга тегинди. У 5 марта жамоадошларига пас берди ҳамда уларнинг 4 таси аниқ манзилга етиб борди. Шунингдек, Элдор 5 марта тўп учун кураш олиб бориб, уларнинг 2 мартасида рақибдан устун келди.
Шомуродовнинг ҳужум чизиғидаги асосий рақобатдоши Артём Довбикнинг ҳаракатлари 6,5 балл билан баҳоланди ва Томмасо Балдзани билан биргаликда “бўрилар” сафидаги энг ёмон ҳаракат қилган футболчи бўлди.
“Лацио” таркибидан энг яхши ҳаракат қилган футболчи Лука Пеллегрини бўлди. У жамоасининг ягона голига ҳаммуаллифлик қилди ҳамда бир нечта хавфли вазиятлар яратишда фаоллик кўрсатди.
Изоҳ (0)