Italiya A Seriyasining 37-turidan o‘rin olgan bahsda “Roma” klubi “Milan”ni 3:1 hisobida mag‘lub etdi. Ushbu o‘yin rimliklar bosh murabbiyi Klaudio Ranyeri uchun A Seriyadagi 500-uchrashuv bo‘ldi. Bu haqda Opta Sports nashri xabar bermoqda.
-snie9uUn.avif)
Ranyerining Italiya oliy divizionidagi ilk murabbiylik o‘yinidan to hozirgacha bo‘lgan davr 34 yil va 251 kunni tashkil qiladi. Bu uni A Seriyadagi barcha murabbiylar orasida eng uzoq muddat faoliyat yuritgan mutaxassisga aylantiradi.
Shuningdek, 73 yoshli Klaudio “Roma” tarixida uchta turli o‘n yillikda jamoani boshqargan ikkinchi murabbiyga aylandi. Bungacha bunday natijaga faqat Nils Lidholm erishgandi. Italiyalik mutaxassis 2009, 2019 hamda 2024-yillarda rimliklarni boshqargan.
Ranyeri murabbiylik faoliyati davomida Italiyada “Kalyari”, “Napoli”, “Fiorentina”, “Sampdoriya”, “Parma”, “Inter” va “Yuventus” klublarida ham faoliyat yuritgan. U 2016-yilda “Lester Siti” bilan Angliya chempionligini qo‘lga kiritib, futbol tarixidagi eng katta sensatsiyalardan birini yaratgandi. Biroq A Seriyada chempion bo‘lish baxti unga nasib qilmagan.
Izoh (0)