18—19 май кунлари футбол бўйича Италия чемпионатининг 37-тур учрашувлари якунланди.
Клаудио Раньери бошлиқ Римнинг «Рома» клуби «Сассуоло»га қарши майдонга тушди.
Учрашув давомида дарвозаларга гол урилмади ва жамоалар бир очкодан бўлишиб олди (0:0).
Мазкур ўйиндан сўнг «Рома» 63 очко жамғариб, мусобақа жадвалида бир поғона юқорилади (5-ўрин).
19 май, якшанба куни Женнаро Гаттузо қўл остидаги «Милан» клуби ўз майдонида «Фрозиноне»ни қабул қилди.
Беллашувда «россонерилар» ҳужумчилари Кшиштоф Пёнтек (57) ва Сусо (66) урган голлар миланликларга муҳим 3 очкони тақдим этди (2:0).
Мазкур ғалабадан сўнг «Милан» очколари сонини 62 тага етказиб олди ва мусобақа жадвалида 4-ўринга кўтарилиб олди.
Шу куни турнинг марказий ўйинида Карло Анчелотти бошқарувидаги «Наполи» клуби Лучано Спалетти бошлиқ Миланнинг «Интер» жамоаси билан куч синашди.
Беллашув давомида неаполликлар аъзолари Пётр Зелински (16), Дрис Мертенс (61), Фабиан Руис (71, 78) урган голларга миланликлар ҳужумчи Мауро Икардининг 81-дақиқада пенальтидан киритган тўпи билан жавоб қайтарди. Шу тариқа Карло Анчелотти шогирдлари ўз уйида кечган баҳсда «Интер»ни йирик ҳисобда мағлубиятга учратди (4:1).
Мазкур ғалабадан сўнг мусобақа жадвалидаги 2-ўринни мустаҳкамлаб олган «Наполи» очколари сонини 79 тага етказиб олди. «Интер» эса 66 очко билан бир поғона пастлади (4-ўрин).
Криштиану Роналду етакчилигидаги Туриннинг «Ювентус» клуби «Аталанта»ни синовдан ўтказди.
Учрашувнинг 33-дақиқасида меҳмон жамоа аъзоси Ёсип Иличич ҳисобни очган бўлса, 80-дақиқага келиб «кекса синьора» ҳужумчиси Марио Манжукич ҳисобни тенглаштирди (1:1).
Шу тариқа Турин клуби ўз майдонида «Атланата» билан дуранг ўйнади (1:1). Таъкидлаш жоиз, ўйиннинг 90-дақиқасида туринликлар ўйинчиси Федерико Бернардески ҳакам томонидан қизил карточка билан жазоланди.
А Серия
37-тур баҳслари
18 май, шанба
«Удинезе»—СПАЛ 3:2
Голлар: 1:0 — 6 Самир, 2:0 — 31 Окака Чука, 3:0 — 35 Окака Чука, 3:1 — 53 Петаня, 3:2 — 59 Валотти«Женоа»—«Кальяри» 1:1
Голлар: 0:1 — 40 Паволетти, 1:1 — 89, пенальти, Кришито«Сассуоло»—«Рома» 0:0
19 май, якшанба«Кьево»—«Сампдория» 0:0
«Парма»—«Фиорентина» 4:1
Голлар: 1:0 — 27 Акуах, 1:1 — 56 Фалке, 2:1 — 65 Бриги, 3:1 — 70 ди Лоренцо, 4:1 — 89 Папуто«Эмполи»—«Торино» 1:0
Гол: 1:0 — 80, автогол, Жерсон«Милан»—«Фрозиноне» 2:0
Голлар: 1:0 — 57 Пёнтек, 2:0 — 66 Сусо«Наполи»—«Интер» 4:1
Голлар: 1:0 — 16 Зелински, 2:0 — 61 Мертенс, 3:0 — 71 Фабиан, 4:0 — 78 Фабиан, 4:1 — 81, пенальти, Икарди«Ювентус»—«Аталанта» 1:1
Голлар: 0:1 — 33 Иличич, 1:1 — 80 МанжукичЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)