3 май, жума куни футбол бўйича Италия чемпионатининг 35-тур баҳсларига старт берилади.
Турнинг дастлабки ўйинида муддатидан аввал чемпионликни қўлга киритган Туриннинг «Ювентус» клуби ўз майдонида Туриннинг бошқа бир клуби «Торино»ни қабул қилади. Учрашув Тошкент вақти билан соат 23:30 да бошланади. Эслатиб ўтамиз, «кекса синёра» аввалги турда «Интер» билан дуранг ўйнаганди (1:1).
4 май, шанба куни мусобақа Миланнинг «Интер» клуби меҳмонда «Удинезе» билан баҳсга киришади. Беллашувга соат 23:30 да старт берилади. Маълумот учун, «нерадзуррилар» 62 очко тўплаган ҳолда мусобақа жадвалида 3-ўринда бормоқда, «Удинезе» эса 33 очко билан 17-поғонани банд қилиб турибди.
5 май, якшанба куни Клаудио Раньери бошқарувидаги Римнинг «Рома» клуби сафарда «Женоа» билан ўйнайди. Ўйин соат 21:00 да бошланиши белгиланган. Таъкидлаш жоиз, римликлар охирги турда «Кальяри»ни йирик ҳисобда мағлубиятга учратганди (3:0).
Шу куни Карло Анчелотти қўл остидаги «Наполи» жамоаси «Кальяри»га қарши майдонга тушади. Баҳсга 23:30 да старт берилади. Эслатиб ўтамиз, неаполликлар охирги учрашувда «Фрозиноне» дарвозасига жавобсиз 2 та тўп киритганди (2:0).
Женнаро Гаттузо бошлиқ «Милан» клуби «Сан-Сиро» стадионида «Болонья»ни синовдан ўтказади. Учрашув соат 23:30 да бошланади. Маълумот учун, «россонерилар» аввалги турда «Торино»га ютқазганди (0:2).
А Серия
35-тур баҳслари
3 май, жума
«Ювентус»—«Торино» 23:30
4 май, шанба«Кьево»—СПАЛ 21:00
«Удинезе»—«Интер» 23:30
5 май, якшанба«Эмполи»—«Фиорентина» 15:30
«Лацио»—«Аталанта» 18:00
«Парма»—«Сампдория» 18:00
«Сассуоло»—«Фрозиноне» 18:00
«Женоа»—«Рома» 21:00
«Наполи»—«Кальяри» 23:30
6 май, душанба«Милан»—«Болонья» 23:30
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)