20 апрель, шанба куни футбол бўйича Италия чемпионатининг 33-тур баҳслари бошланади.
Турнинг дастлабки ўйинида Женнаро Гаттузо бошлиқ «Милан» жамоаси меҳмонда «Парма» билан ўйнайди. Учрашув Тошкент вақти билан соат 15:30 да бошланади. Маълумот учун, миланликлар 32-турда «Лацио»ни мағлуб этганди (1:0).
Мусобақа жадвалида яққол пешқадамлик қилаётган Туриннинг «Ювентус» клуби ўз майонида «Фиорентина» билан жанг қилади. Таъкидлаш жоиз, туринликлар аввалги турда сафарда кечган баҳсда СПАЛга ютқазиб қўйиб (1:2), муддатидан аввал чемпионликни бироз ортга сурганди.
Турнинг марказий ўйида Лучано Спалетти қўл остидаги «Интер» жамоаси «Жузеппе Меацца» стадионида Клаудио Раньери бошқарувидаги Римнинг «Рома» клуби билан жанг қилади. Тўқнашув соат 23:30 да бошланиши белгиланган. Эслатиб ўтамиз, 32-турда миланликлар «Фрозиноне»ни 3:1 ҳисобида мағлубиятга учратган бўлса, «Рома» «Удинезе» устидан Эдин Жеконининг киритган голи эвазига ғалаба қозонганди (1:0).
22 апрель, душанба куни турнинг сўнгги ўйинда «Наполи» клуби «Аталанта» меҳмони бўлади. Маълумот учун, неаполликлар 67 очко тўплаган ҳолда мусобақа жадвалида 2-ўринда бормоқда.
32-турдан сўнг мусобақа жадвалидаги ҳолат:
А Серия
33-тур баҳслари
20 апрель, шанба
«Парма»—«Милан» 15:30
«Болонья»—«Сампдория» 18:00
«Удинезе»—«Сассуоло» 18:00
«Лацио»—«Кьево» 18:00
«Женоа»—«Торино» 18:00
«Эмполи»—СПАЛ 18:00
«Кальяри»—«Фрозиноне» 18:00
«Ювентус»—«Фиорентина» 21:00
«Интер»—«Рома» 23:30
22 апрель, душанба«Наполи»—«Аталанта» 22:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!