25—26 май кунлари футбол бўйича Италия чемпионатининг сўнгги тур баҳслари бўлиб ўтди.
Карло Анчелотти бошлиқ «Наполи» клуби «Болонья» майдонига сафар қилди.
Учрашувнинг 43-дақиқасида мезбон жамоа вакили Федерико Сантандер неаполликлар дарвозасини ишғол қилди (1:0). Орадан 2 дақиқа ўтиб ярим ҳимоячи Блерим ҳисобни 2:0 кўринишига келтирди. 57-дақиқада «Наполи» ҳимоячиси Фаузи Ғулоам ҳисобни қисқартирган бўлса, 77-дақиқага келиб ҳужумчи Дрис Мертенс ҳисобни тенглаштирди (2:2). 88-дақиқада эса Федерико Сантандер дублга эришди (3:2) ва жамоасига ғалаба келтирди.
Шу тариқа «Наполи» 2018/19 йилги мавсумни мағлубият билан тугатди.
26 май, якшанба куни чемпионликни муддатидан аввал ҳал қилган Туриннинг «Ювентус» клуби меҳмонда «Сампдория» билан баҳсга киришди.
Беллашув давомида «Сампдория» аъзолари Грегуар Дефрел (84) ва Жанлука Каприари (90) томонидан урилган голлар майдон эгаларига «Ювентус» устидан ғалаба келтирди (2:0).
Шу тариқа «кекса синёра» жорий мавсум А Серияни ютқазган ҳолда тугатди.
Женнаро Гаттузо қўл остидаги «Милан »жамоаси СПАЛ билан ўйнади.
Учрашувнинг 18-дақиқасида «россонерилар» аъзоси Хакан Чалханўғлу дастлабки голни урган бўлса, орадан 5 дақиқа ўтиб ярим ҳимоячи Франк Кессиэ миланликларнинг иккинчи голига муаллифлик қилди (2:0). 28-дақиқада эса СПАЛ ҳимоячиси Франческо Викари «Милан» дарвозасини ишғол қилди (2:1). 2-бўлимнинг 53-дақиқасида мезбон жамоа вакили Муҳаммад Фарес ҳисобни тенглаштирди (2:2). 66-дақиқада СПАЛ дарвозаси томон пенальти белгиланди ва ундан Кессиэ унумли фойдаланиб, дублга эришди (3:2).
Шу тариқа миланликлар сафарда СПАЛни мағлуб этди ва муҳим 3 очкога эга бўлди.
Мазкур ғалабадан сўнг Гаттузо жамоаси 68 очко жамғариб, мусобақа жадвалида 5-ўринни эгаллади ва келаси мавсум Европа Лигаси йўлланмасини қўлга киритди.
Клаудио Раньери бошлиқ Римнинг «Рома» клуби ўз уйида «Парма»ни синовдан ўтказди.
Ўйиннинг 35-дақиқасида римликлар ярим ҳимоячиси Лоренцо Пеллегрини ҳсиобни очган бўлса, 86-дақиқага келиб «Парма» аъзоси Жервинё ҳисобни тенглаштирди (1:1). Орадан 3 дақиқа ўтиб «Рома» ўйинчиси Диего Перотти рақиб дарвозасини ишғол қилиб, ўйинга нуқта қўйди (2:1).
Натижада «Рома» ўз уйида «Парма»ни таслим қилди ва муҳим 3 очкога эга бўлди.
Шу куни Лучано Спалетти бошқарувидаги Миланнинг «Интер» клуби «Жузеппе Меацца» стадионида «Эмполи» билан баҳсга киришди.
Беллашувда «неррадзурилар»дан Кейта Балде (51) ва Ража Наингголан (81) ўз номига биттадан гол ёздириб қўйган бўлса, «Эмполи» сафидаги ягона гол Ҳамед Траоре (76) томонидан киритилди (2:1).
Шу тариқа «Интер» очколари сонини 69 та га етказиб олди ва мусобақа жадвалида 4-ўриндан жой олди.
А Серия
38-тур баҳслари
25 май, шанба
«Фрозиноне»—«Кьево» 0:0
«Болонья»—«Наполи» 3:2
Голлар: 1:0 — 43 Сантандер, 2:0 — 45 Блерим, 2:1 — 57 Ғулом, 2:2 — 78 Мертенс, 3:2 — 88 Сантандер26 май, якшанба
«Торино»—«Лацио» 3:1
Голлар: 1:0 — 51 Яго Фалке, 2:0 — 53 Лукич, 2:1 — 66 Иммобиле, 3:1 — 80 де Сильвестри«Сампдория»—«Ювентус» 2:0
Голлар: 1:0 — 84 Дефрел, 2:0 — 90 КапрариСПАЛ—«Милан» 2:3
Голлар: 0:1 — 18 Чалханўғлу, 0:2 — 23 Кессиэ, 1:2 — 28 Викари, 2:2 — 53 Фарес, 2:3 — 66, пенальти, Кессиэ«Рома»—«Парма» 2:1
Голлар: 1:0 — 35 Пеллегрини, 1:1 — 86 Жервинё, 2:1 — 89 Перотти«Интер»—«Эмполи» 2:1
Голлар: 1:0 — 51 Кейта Балде, 1:1 — 76 Траоре, 2:1 — 81 Наингголан«Фиорентина»—«Женоа» 0:0
«Кальяри»—«Удинезе» 1:2
Голлар: 1:0 — 17 Паволетти, 1:1 — 59 Ҳадлвредссон, 1:2 — 69 Де Майо«Аталанта»—«Сассуоло» 3:1
Голлар: 0:1 — 19 Берарди, 1:1 — 35 Сапата, 2:1 — 53 Гомес, 3:1 — 65 ПашаличЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)