А Сериянинг 31-туридаги “Ювентус”га қарши кечган баҳсда Шомуродов “Рома”ни мағлубиятдан қутқариб қолган голга муаллифлик қилди (1:1). Шу боис ўзбекистонлик футболчи “Лацио”га қарши баҳсда асосий таркибда майдонга тушиши кутилмоқда. Бу ҳақда Il Massagero нашри хабар бермоқда.
Йил бошида “Рома”ни тарк этишга яқин турган Элдор Шомуродов жамоадаги мавқейини мустаҳкамлашда давом этмоқда. “Ювентус” дарвозасига киритилган гол унинг ўзига бўлган ишончини яна бир бор оширди. Ўзбек ҳужумчиси сўнгги пайтларда захирадан майдонга тушиб, муҳим баҳсларда фойдали ўйин кўрсатмоқда, деб хабар берилади манбада.
Рим дербиси арафасида тажрибали мутахассис Клаудио Ранери таркибда ўзгаришлар қилиши кутилмоқда. Roma Press нашри хабарига кўра, Шомуродов ва Довбик ҳужум чизиғида бирга ҳаракат қилиши мумкин. Шунингдек, Салемакерс ҳам асосий таркибдан жой олиши айтилмоқда.
Шомуродов учун бу баҳс ўзини исботлаш, Римдаги обрўсини ошириш ва асосий ҳужумчига айланиш учун навбатдаги имконият бўлиши мумкин, дейилади Roma Press берган хабарда.
Аввалроқ Элдор Шомуродов “Рома” билан шартномасини 2027 йилга қадар узайтириши ҳақида хабарлар тарқалган эди.
Маълумот учун, “Лацио” — “Рома” ўртасидаги баҳс 13 апрель куни Тошкент вақти билан 23:45 да бошланади.
Жорий мавсум Элдор “Рома” сафида барча мусобақаларда 30 та ўйинда майдонга тушиб, ўз ҳисобига 6 та гол ва 3 та голли узатмани ёздириб қўйган.
Изоҳ (0)