Италиянинг “Рома” клуби устози Клаудио Ранери украиналик ҳужумчи Артём Довбикнинг жароҳати сабаб Элдор Шомуродовнинг асосий таркибга киритилиши ҳақидаги саволларга жавоб берди. Бу ҳақида РомаПресс нашри хабар бермоқда.
Мен ўйинчиларимни майдонга тушириш борасида турли хил фикрда бўлмаганман. У хоҳ Элдор бўлсин, хоҳ Артём — уларнинг ҳар бири жамоага фойда келтиришни хоҳлайди. Танлов қилиш ҳар доим қийин. Агар асосий таркибга киритган футболчилар бўйича хато қилсам ҳам, буни катта муаммо деб билмайман, чунки жамоамиздаги барча футболчилар ўйинга астойдил тайёргарлик кўради, дея Ранерининг сўзларини келтиради РомаПресс нашри.
Ўзбекистонлик футболчи январь ойида жамоадан кетиши ҳақидаги миш-мишларга қарамай, захирадан майдонга тушиб, ишончли ўйин кўрсата бошлади. Сўнгги бир неча баҳсларда эса асосий таркибда ҳаракат қилиб, жамоасининг муҳим голларини киритмоқда. Италия чемпионати 26-тури доирасидаги “Монса”га қарши ўйинда Элдор Шомуродов жамоасининг биринчи голига ассистентлик қилган бўлса, иккинчи голни ўз ҳисобига ёздириб қўйди.
Маълумот ўрнида, “Рома” ҳозирда Италия А серияси 26-туридан сўнг 40 очко билан 9-ўринни эгаллаб турибди.
Изоҳ (0)