Беш карра “Олтин тўп” соҳиби, ҳозирда Саудия Арабистонининг “Ал-Наср” жамоасида тўп сураётган ҳужумчи Криштиану Роналду ҳеч қачон футболка алмашмайдиган клуб номини очиқлади. Бу ҳақда Give me Sport нашрига таяниб Championat нашри хабар берди.
Футболчи 2006/07 йил УЕФА Чемпионлар Лигаси доирасидаги “Рома”га қарши ўйинда бўлган қизиқ ҳолатни эслади:
2007 йил ўтган “Рома”га қарши ўйинни яхши эслайман. Ҳисоб 6:0 эди. Улар мендан тўхташимни сўрашди. Рақиб футболчилари мендан гол уришни бас қилишимизни илтимос қилди. Баъзилар эса менга жисмоний зарар етказиш билан таҳдид қилишди. Мен ҳеч қачон бу клуб футболчилари билан футболка алмашмас эдим, дея Роналду сўзларини келтирган Give me Sport.
Эслатиб ўтамиз, 2007 йилги Чемпионлар Лигаси чорак финалида “Манчестер Юнайтед” дастлаб Римда 1:2 ҳисобида мағлуб бўлган, жавоб ўйинида эса “Олд Траффорд”да “Рома”ни 7:1 ҳисобида доғда қолдирган эди. Роналду ўша баҳсда иккита гол муаллифига айланган.
Изоҳ (0)