25 май, шанба куни футбол бўйича Италия чемпионатининг сўнгги тур баҳсларига старт берилади.
Карло Анчелотти бошлиқ «Наполи» клуби «Болонья» майдонига сафар қилади. Учрашув соат 23:30 да бошланади. Эслатиб ўтамиз, неаполликлар аввалги турда «Интер»ни йирик ҳисобда мағлубиятга учратганди (4:1).
26 май, якшанба куни Криштиану Роналду етакчилигидаги Туриннинг «Ювентус» клуби меҳмонда «Сампдория» билан баҳсга киришади. Беллашувга соат 21:00 да старт берилади. Маълумот учун, туринликлар олдинги турда ўз майдонида кечган баҳсда «Аталанта» билан дурангга имзо чекканди (1:1).
Мусобақа жадвалида 5-ўринда бораётган «Милан »жамоаси СПАЛ билан ўйнайди. Қайд этиш жоиз, «россонерилар» 37-турда «Фрозиноне» дарвозасига жавобсиз 2 та гол урганди (2:0).
Клаудио Раньери бошлиқ Римнинг «Рома» клуби ўз уйида «Парма»ни синовдан ўтказади. Маълумот учун, Рим клуби 63 очко тўплаган ҳолда 6-ўринни эгаллаб турибди.
Шу куни Лучано Спалетти бошқарувидаги Миланнинг «Интер» клуби «Жузеппе Меацца» стадионида «Эмполи» билан баҳсга киришади. Учала ўйин ҳам соат 23:30 да бошланади. Эслатиб ўтамиз, 66 очко жамғариб, мусобақа жадвалида 4-поғонани эгаллаб турибди.
37-турдан сўнг мусобақа жадвалидаги ҳолат:
А Серия
38-тур баҳслари
25 май, шанба
Изоҳ (0)