Италиялик мутахассис Клаудио Ранери яна “Рома”га қайтиши мумкин.
Сўнгги вақтларда ишлари ўхшамаётган римликлар янги мураббий излашни бошлаган. “Рома” А Серияда 9-турдан сўнг 10 очко билан 11-ўринда бормоқда.
Ҳозирда клубнинг қисқа рўйхатидан Эдин Терзич, Маурицио Сарри, Массимилиано Аллегри ҳамда Клаудио Ранери номзодлари жой олган, дея хабар бермоқда La Gazzetta dello Sport. Номзодлар ичида Ранери варианти энг мақбули бўлмоқда.
Клаудио Ранери аввал ҳам “Рома” бош мураббийи сифатида ишлаган. Мутахассис 2009—2011 ва 2019 йилларда Рим жамоасида фаолият олиб борган. Қайд этиб ўтиш керак, Ранери футболчилик фаолиятида ҳам “Рома”да (1973/74) тўп сурган.
Ҳозирда “Кальяри” бош мураббийи сифатида фаолият олиб бораётган Ранери ўзбекистонлик футболчи Элдор Шомуродовга ҳам бегона эмас. Элдор ўтган мавсумда мураббий қўл остида “Кальяри”да тўп сурган.
Изоҳ (0)