11 май, шанба куни футбол бўйича Италия чемпионатининг 36-тур баҳслари бошланади.
Женнаро Гаттузо бошлиқ «Милан» клуби «Фиорентина» майдонига сафар қилади. Учрашув Тошкент вақти билан соат 23:30 да бошланади. Эслатиб ўтамиз, «россонерилар» аввалги турда «Болонья»ни мағлубиятга учратганди (2:1).
12 май, якшанба куни мусобақа жадвалида иккинчи ўринда бораётган «Наполи» клуби меҳмонда СПАЛга қарши майдонга тушади. Беллашув соат 21:00 да старт олади. Маълумот учун, неаполликлар 35-турда ўз уйида «Кальяри»ни таслим қилганди (2:1).
Шу куни турнинг марказий ўйинида муддатидан аввал чемпионликни нишонлаган Туриннинг «Ювентус» клуби Клаудио Раньери бошқарувидаги Римнинг «Рома» клубига қарши майдонга тушади. Ўйин соат 23:30 да бошланиши белгиланган. Қайд этиш жоиз, римликлар охирги турда «Женоа» билан, «кекса синёра» эса Турин дербисида «Торино» билан дуранг ўйнаганди (1:1).
13 май, душанба куни турнинг сўнгги учрашувида мусобақа жадвалида 3-ўринда бораётган Миланнинг «Интер» жамоаси «Жузеппе Меацца» стадионида «Кьево»ни синовдан ўтказади. Баҳс соат 00:00 да бошланиши белгиланган. Эслатиб ўтамиз, «неррадзурилар» 35-турда «Удинезе» билан дуранг ўйнаганди (0:0).
35-турдан сўнг мусобақа жадвалидаги ҳолат:
А Серия
36-тур баҳслари
11 май, шанба
«Аталанта»—«Женоа» 18:00
«Кальяри»—«Лацио» 21:00
«Фиорентина»—«Милан» 23:30
12 май, якшанба«Торино»—«Сассуоло» 15:30
«Фрозиноне»—«Удинезе» 18:00
«Сампдория»—«Эмполи» 18:00
СПАЛ—«Наполи» 21:00
«Рома»—«Ювентус» 23:30
13 май, душанба«Болонья»—«Парма» 22:00
«Интер»—«Кьево» 00:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)