Футбол бўйича Италия чемпионатининг 34-тур баҳсларига 27 апрель санасидан эътиборан старт берилади.
Клаудио Раньери қўл остидаги Римнинг «Рома» клуби ўз майдонида «Кальяри» билан ўйнайди. Учрашув Тошкент вақти билан соат 21:00 да бошланади. Эслатиб ўтамиз, римликлар аввалги турда «Интер» билан дуранг ўйнаганди (1:1).
Шу куни турнинг марказий ўйинида муддатидан аввал чемпионликни қўлга киритган Туриннинг «Ювентус» клуби Лучано Спалетти бошлиқ Миланнинг «Интер» клуби билан баҳс олиб боради. Ўйинга соат 23:30 да старт берилади. Маълумот учун, туринликлар 87 очко тўплаган ҳолда мусобақа жадвалида яққол пешқадамлик қилаётган бўлса, «Интер» эса 61 очко жамғариб 3-ўринда бормоқда.
28 апрель, якшанба куни Карло Анчелотти бошқарувидаги «Наполи» клуби меҳмонда «Фрозиноне»ни синовдан ўтказади. Ўйин соат 15:30 да бошланиши белгиланган. Таъкидлаш жоиз, неаполликлар аввалги турда «Аталанта»га 1:2 ҳисобида ютқазиб қўйганди.
33-турда «Парма» билан дуранг натижа қайд этган (1:1) «Милан» жамоаси «Торино» майдонига сафар қилади. Учрашув 23:30 да бошланиши белгиланган. Эслатиб ўтамиз, Женнаро Гаттузо шогирдлари 56 тўплаб, мусобақа жадвалида 4-ўринни банд қилиб турибди.
33-турдан сўнг мусобақа жадвалидаги ҳолат:
А Серия
34-тур баҳслари
27 апрель, шанба
«Болонья»—«Эмполи» 18:00
«Рома»—«Кальяри» 21:00
«Интер»—«Ювентус» 23:30
28 апрель, якшанба«Фрозиноне»—«Наполи» 15:30
СПАЛ—«Женоа» 18:00
«Кьево»—«Парма» 18:00
«Сампдория»—«Лацио» 21:00
«Торино»—«Милан» 23:30
29 апрель, душанба«Аталанта»—«Удинезе» 22:00
«Фиорентина»—«Сассуоло» 00:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)