5 май, якшанба куни футбол бўйича Италия А Сериясининг 35-тури доирасида 6 та учрашув ўз ниҳоясига етди.
Клаудио Раньери бошқарувидаги Римнинг «Рома» клуби сафарда «Женоа» билан ўйнади.
Беллашувнинг 82-дақиқасида римликлар ярим ҳимоячиси Стефан ал-Шаарави ҳисобни очган бўлса, 90-дақиқага келиб мезбон жамоа ҳимоячиси Кристиан Ромеро ҳисобни тенглаштирди. Шу тариқа «Рома» меҳмонда кечган баҳсда «Женоа» билан дуранг ўйнади (1:1).
Маълумот учун, Рим клуби 59 очко тўплаган ҳолда мусобақа жадвалида 5-ўринда бормоқда. «Женоа» эса 36 очко билан 16-поғонани эгаллаган.
Шу куни Карло Анчелотти қўл остидаги «Наполи» жамоаси «Кальяри»га қарши майдонга тушди.
Ўйин давомида меҳмон жамоа аъзоси Леонардо Паволетти (63) киритган голга неаполликлар ҳужумчилар Дрис Мертенс (85) ҳамда Лоренцо Инсинье (90, пенальти) киритган голлар билан жавоб қайтарди (2:1).
Шу тариқа «Наполи» ўз майдонида «Кальяри»дан устун келди (2:1).
Мазкур ғалабадан сўнг «Наполи» очколари сонини 73 тага етказиб олди. 12-ўринда бораётган «Кальяри» ҳисобида эса 40 очко мавжуд.
А Серия
35-тур баҳслари
5 май, якшанба
«Эмполи»—«Фиорентина» 1:0
Гол: 1:0 — 54 Фариас«Лацио»—«Аталанта» 1:3
Голлар: 1:0 — 3 Пароло, 1:1 — 22 Сапата, 1:2 — Кастан, 1:3 — 76, автогол, Уоллес«Парма»—«Сампдория» 3:3
Голлар: 1:0 — 2 Газзола, 1:1 — 28, пенальти, Квальярелла, 1:3 — 38 Дефрел, 1:3 — 61 Квальярелла, 2:3 — 67, пенальти, Кучка, 3:3 — 71 Бастони«Сассуоло»—«Фрозиноне» 2:2
Голлар: 0:1 — 8 Саммарко, 0:2 — 36 Паганини, 1:2 — 66 Ferrari, 2:2 — 78 Бога«Женоа»—«Рома» 1:1
Голлар: 0:1 — 82 Ал-Шаарави, 1:1 — 82 Ромеро«Наполи»—«Кальяри» 2:1
Голлар: 0:1 — 63 Паволетти, 1:1 — 85 Мертенс, 2:1 — 90, пенальти, ИнсиньеЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)