“Манчестер Сити” ҳужумчиси Ҳоланд ўзининг ҳашаматли автомобиллар коллекциясини яна бир ноодатий модел билан бойитди. Норвегиялик юлдуз бу гал 320 минг фунт стерлинг (тахминан 375 минг евро) қийматга эга сариқ рангли Ferrari харид қилган.
Ҳоланд илгари ҳам машҳур автомобиль брендларига бўлган қизиқиши билан эътибор марказида бўлган. Айни пайтда унинг гаражида Bugatti, Mercedes AMG ва Rolls-Royce каби қимматбаҳо машиналар мавжуд. Эрлинг олдин ҳам Ferrari сотиб олган, фақат унинг модели бошқа. Яъни бунгача ҳужумчи Ferrari 812 Superfast Blue машинасига эгалик қилар эди ва у ҳали ҳам футболчининг гаражида турибди. Энди эса автомобиллар қаторига ноодатий, сариқ рангли суперкар ҳам қўшилди.
Эслатиб ўтамиз, Ҳоланд 2022 йилдан буён “Манчестер Сити” сафида тўп сурмоқда. Жорий мавсум футболчи “шаҳарликлар” таркибида 41 учрашувда майдонга тушиб, 30 гол ҳамда 4 ассист муаллифига айланган. Унинг клуб билан шартномаси 2035 йилга қадар амал қилади. Transfermarkt портали ҳужумчининг қийматини 200 миллион еврога баҳолаган.
Аввалроқ Эрлинг Ҳоланд “Барселона” ва “Реал” ўртасида танлов қилгани ҳақида хабарлар тарқалган эди.
Изоҳ (0)